2 Samwele 16:21 - Livulu lya Shukulu Kalunga

²¹ Co Ahitofele wamukumbulwile ngwendi, “Ya ukalale na mashano va mbanja va isho vaje vanaseza kunyunga lipela. Ngecivene, munu woshe mu Isalele akazivuke ngeci kuma isho napu citozi cove, co vanu vove vakapwa vakusimpa.”

2 Samwele 16:21 Iomraidhean Croise

Kushangumuka 34:30

Yakomba wendekele kuli Simyoni na Levi ngwendi, “Mwanjikovelesa mu vukalu, ololo vaKanana, na vaPelezi, na vanu voshe va muno mu lifuti vakanjizinda. Yange kunjesi na vanu vavangi, nga voshe vakalipandakana amolika nakunjilwisa, co vakanyongesa naanga yetu yoshe.”

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

Kushangumuka 38:16

Ngecivene, waile kuli ikeye kumukulo wa tapalo nakwendeka nendi ngwendi, “Vanana, mwane vati nga njisimutwiya neni?” Oloni ikeye kazivukile ngeci uje wapwile vainamweno. Co Tamale wendekele ngwendi, “Vikajo mukanjana nga musimutwiya nange?”

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

2 Samwele 10:6

Omo vaAmoni vanangukile ngeci Ndaviti napu citozi cavo, co vakumwine mashwalale va vaSilya 22,000 va ku Mbetelehove, na Zova, amo na vanalume 12,000 va ku Tove, co mwene wa ku Maka wezile na vanu vendi 1,000.

2 Samwele 12:11

Njalisingi ngeci njikalingisa umo wa ku naanga yove kunena vukalu ali yove. Ukacimona omo njikakutambula vanakazi vove nakuvana kuli munalume weka, co ikeye akalala navo mutanya mwelu.

2 Samwele 13:5

Co Yonandave wendekele kuli ikeye ngwendi, “Likwise kuvinja, ya ku vulili ukalale. Omo isho aija nakukumona, co endeka kuli ikeye ngwove, ‘Shukulu, njilekeleniko ndokazi yange Tamale aije akunjaneko vyakulya. Njimushaka akunjipangeleko vyakulya kuyehi nange kuje njasa kumumona, co anjanevyo!’ ”

2 Samwele 15:16

Ngecivene, mwene waile, na naanga yendi, na vamyata vendi voshe vamukavele, kuvanga mashano va mbanja likumi, vakevo vasezele vanyunge lipela.

2 Samwele 16:20

Co Avisalome watengulukilile kuli Ahitofele wendekele ngwendi, “Ololo tuli kuno, vika utuleka ngeci tuvilinge?”

2 Samwele 17:7

Ngecivene, Hushai wamukumbulwile ngwendi, “Kunangula oku kwanaminangula Ahitofele kesi kwakuvwa embwe.

2 Samwele 2:7

Pweni vaka-nzili nakusimpa! Saulu mwene yeni natsi, co vanu va ku Yunda vananjivwavesa mazi kupwa mwene yavo.”

2 Samwele 20:3

Omo Ndaviti wetele ku lipela lyendi mu Yelusalema, wasanene vaje mashano va mbanja likumi vaje vasezele ngeci vanyunge lipela, wavaakele mu njuvo nakuvanyungilamo. Vavaanene vyoshe vije vivashakele, oloni kalalele navo lalo. Mukuyoya kwavo kwoshe vavanyungile mu cifwa cangacije vene, vayoyele ngwe vifwile.

1 Vimyene 11:25

Ikeye wapwile citozi ca Isalele simbu yoshe yakuyoya kwa Solomoni.

1 Vimyene 2:17

Mbateshemba wamwihwile ngwendi, “Vikajo ulomba?” Co wamukumbulwile ngwendi, “Shukulu njihwile kuli Mwene Solomoni, njazivuka ngwange kasa kukuvyana embwe, ngeci anjitave njambate Avishange, mumbanda uje wa ku Shuneme, apwe munakazi wange.”

1 Vimyene 2:22

Mwene wamukumbulwile ngwendi, “Omwo vikajo ulombela Andoniya kumwana Avishange? Kuma yove wasa kumulombela lino litanda lya vumwene. Co a vyoshe evi, ou munu lalo wapwa mukulunu wange, Aviyatale muka-kukombelela na Yowave vakevo vanamwimanena!”

VaLevi 18:8

Kesi ukazivise isho shwamwa akulala na umo wa vanakazi vendi.

VaLevi 20:11

Nga munu alala na munakazi wa ishe nalingisa shwamwa ishe, co muvuvali vwavo vavatsiye. Omwo kutsa kwavo kwakulishakela vakevo vavenya.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

1 Samwele 13:4

Co vaIsalele voshe vavalekele ngwavo Saulu natsii muka-kushika nzita ya Filisitiya, ngeci vaFilisitiya vazindile Isalele. Co vanu vaile nakuliwana na Saulu ku Ngilingale.

1 Samwele 27:12

Oloni Akishe wakulaelele Ndaviti, co walyendekesele mu mbunge yendi ngwendi, “Ou munu vamuzinda manene vavushoko vwendi vaIsalele, cooni akanjipangela a simbu yakuyoya kwendi kwoshe.”