2 Samwele 16:10 - Livulu lya Shukulu Kalunga

¹⁰ Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

2 Samwele 16:10 Iomraidhean Croise

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

2 Samwele 19:23

Co Ndaviti wendekele kuli Shimei ngwendi, “Njendeka nakukukulaesa ngwange kuukatsi.”

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

1 Vimyene 2:5

“Solomoni munange anuka vije vyalingile Yowave kuli yange akutsiya vaka-kushika nzita ya Isalele vavali, Avinele muna Nele, na Amasa muna Njetele. Wavatsiile ngwe vitozi vendi va mu nzita, oloni wacilingile a simbu ya kwoloka. Ali na mulonga, co cili kuli yove kumuhisa.

2 Vimyene 18:25

Kuma wayongola ngwove njinalwisa lifuti lyove nakulinyongesa kwakujeneka Shukulu Kalunga kunjikwasa ndi? Shukulu Kalunga vavenya ikeye wanjilekele kulilwisa nakulinyongesa.”

Yombi 9:12

Ambata vije ashaka, co naumo wai amuvindika, naumo wai asimpa nakumwihula ngwendi, ‘Vikajo ulinakulinga?’

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Muka-kwambulula 8:4

Omo lijwi lya mwene lili na nzili, iyajo asa kumwihula ngwendi, “Vikajo ulinakulinga ngeci?”

Mbimbi 3:37

Naumo wai asa kulinga cuma cimo kwakujeneka cizango ca Shukulu Kalunga.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Mateo 16:23

Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Yowano 18:11

Yesu wendekele kuli Petulu ngwendi, “Shomeka mukwale wove mu cindalo cawo! Kuma uyongola ngwove kunjasa kunwa nganja eyi ya kayando yananjana Tate ndi?”

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.