2 Samwele 16:1 - Livulu lya Shukulu Kalunga

¹ Omo Ndaviti washelumukile kamandondo kutunda akamwa ya lilundu, waliwanene na Ziva, ngamba ya Mefimboshete, wakele na vimulu vavali vambatele mikasha ya makende 200, na makasha-kasha 100 a vushuka vwakutonola, na makasha-kasha 100 a vushuka vwakuma, na njeke ya cilambu ya vinyu.

2 Samwele 16:1 Iomraidhean Croise

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

2 Samwele 15:32

Omo Ndaviti wetele akamwa ya lilundu, kuje wakele nakulemesela, co musamba wendi wa a mbunge Hushai kaAleki wamusheshele wazalele vuzalo vwendi vwakutavozoka, co walishuwilile livu a mutwe wendi.

2 Samwele 19:17

Wezile na vanalume 1,000 va ku muyati wa Mbenjemani. Na Ziva, ngamba ya vaka-naanga ya Saulu lalo, wezile na vana vendi likumi na vatanu, na vangamba makumi avali, vakevo valivangele kweta omo mwene kanda acete.

2 Samwele 19:32

Mbazilai wapwile kakulukazi, wa myaka makumi atanu na atatu. Ikeye wafukile manene, co wakwasele mwene vyakulya omo mwene wakele ku Mahanaime.

1 Mizimbu 12:40

Co vanu vaje valyatele navo kushangumukila ku miyati ya Isakale ya ku kunto, na Zembuloni, na Nafetali, vanenele vyakulya a vimulu, na tumelo, na vimula, na a vingombe vaje vambatele vunga vwa tiliku, na vushuka vwa mikuyu vwakuma, na makasha-kasha a mikolovozi ya vushuka vwa vinyu, na mazi a olive. Co vanenele lalo na vingombe, na vimanga vakutsiya ngeci valye. Vyoshe evi vyalingiwile omwo akuvwaelela kuje kwakele mu lifuti lyoshe.

Visimo 18:16

Yove ushaka kuwana mwela ku munu wa vulemu ndi? Mutwalele vwana, co cikapwa cacasi kulizilila nendi.

Njelemiya 40:10

Yange ni njikakala mu Mizipa, kupwa muka-kumimanena omo vaMbambilone vaija kuno. Oloni yeni mwasa kukungulula vinyu, na vushuka, na mazi a olive nakuvitulika, co kaleni mu membo aje munatambula.”

Njelemiya 40:12

Ngecivene, vatundile ku mitambela kuje kuvashandokelele, co velukile ku Yunda. Vezile kuli Ngendaliya ku Mizipa, vakungulwile vinyu vyavingi manene na vushuka.

Amose 8:1

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Co mu cimona cije njamwene mutonga wa vushuka.

Mika 7:1

Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti.

1 Samwele 10:3

Co kutunda aje, ukaya kulutwe noo uketa ku muti wakujela ku Tambole, co ukaliwana na vanalume vatatu valinakuya ku Mbetele nakukombelela n̄ombelo kuli Njambi. Umo natwameka vimembe vatatu vamivamba, mukwavo nambata mikasha itatu ya makende, mukwavo wamucitatu nambata njeke ya cilambu yakushula ya vinyu.

1 Samwele 16:20

Co Njesi walemekele cimulu, waakeleo makende, na njeke ya cilambu ya vinyu, na muna membe, wavitumine amo na munendi Ndaviti kuli Saulu.

1 Samwele 25:18

Co vwasi-vwasi Avingaile wambatele mikasha ya makende yakupwa 200, na vinjeke vivali vya vilambu vyakushula na vinyu, na vimanga vatanu vakwoca, na mitonga likumi na ivali ya vimbuto vya vinona vyakwoca, na makasha-kasha 100 a mikolovozi ya vushuka vwa vinyu, na makende 200 amavwa a mikuyu akuma, wavilondekele a vimulu.