2 Samwele 15:31 - Livulu lya Shukulu Kalunga

³¹ Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 15:31 Iomraidhean Croise

2 Samwele 15:12

Co omo wakombelelele vin̄ombelo, Avisalome watumine lalo vanu ku nganda ya Ngilo nakusana Ahitofele, uje wapwile umo wa vaka-kunangula Mwene Ndaviti. Co vutumbe vwakulwisa mwene vwakolele, vanu vakavangeyeye Avisalome vapwile vavangi.

2 Samwele 16:23

Kunangula kwanangwile Ahitofele a matangwa aje, kwapwile vene ngwe lijwi lya Njambi, mukemwo mukwapwile kunangula kwa Ahitofele kuli Ndaviti na kuli Avisalome.

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

2 Samwele 17:5

Co Avisalome wendekele ngwendi, “Ololo saneni Hushai, co tuzive omo endeka.”

2 Samwele 17:7

Ngecivene, Hushai wamukumbulwile ngwendi, “Kunangula oku kwanaminangula Ahitofele kesi kwakuvwa embwe.

Yombi 5:12

Ikeye muka-kutanganesa matumbe a vaka-kunyanyama, ngeci kukwesi cuma civalinga civezike.

Myaso 109:3

Vaka-vuvi valinakunjivangeya, valinakunjilwisa kwakujeneka mulonga.

Myaso 3:1

Yove Shukulu Kalunga, vitozi vange vavangi manene, vaje vananjikatukila nakunjilwisa!

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Myaso 55:10

Mutanya na vutsiki vazenguluka vivumbe vyayo, co mukati kayo munashulu tuyando na n̄avava.

Myaso 55:12

Nga uje wanjishendumwine wapwile citozi, nga kunjombileko mbunge embwe, nga wapwile muka-kunjizinda uje walyalesele mukulwa nange, nga njavandele ngeci kesi anjimone.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’

1 Kolinte 1:20

Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

Yakomba 3:15

Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.