2 Samwele 15:30 - Livulu lya Shukulu Kalunga

³⁰ Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

2 Samwele 15:30 Iomraidhean Croise

2 Samwele 15:29

Ngecivene, Zandoke, na Aviyatale velwisile Cikasa ca Cikumiiyo ku Yelusalema, co vakele kuje.

2 Samwele 19:4

Mwene walifwikile ku cihanga cendi walilile manene ngwendi, “Kekange munange! Munange Avisalome! Avisalome munange!”

2 Samwele 19:5

Co Yowave waile ku njuvo ya mwene wendekele kuli ikeye ngwendi, “Ku litangwa lya lelo unazivisa manene vanu vove shwamwa, vanu ava vanamena mwonyo wove na myonyo ya vana vove va vanalume na ava va vanakazi, na vanakazi vove, na mashano vove va mbanja.

Esita 6:12

Asinoni Molendekai welukile lalo ku cikolo ca lipela oloni Hamane wazambwilile ku njuvo yendi, wavandesele cihanga cendi omwo shwamwa.

Myaso 42:3

Mutanya na vutsiki njilinakulila, tuyando nakukemanga vinapu ngwe vyakulya vyange, visimbu vyoshe vitozi vange vanjishendumuna ngwavo, “Njambi yove ali kulijo?”

Myaso 43:5

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

Ezekiyele 24:23

Mukazala tulupusa ku mitwe yeni, nakuzala vin̄aku ku mendi eni, kumukalinyenge, nambe kulila, oloni mukanyonga omwo vuvi vweni, co umo na umo weni akakemanga.

Zakaliya 14:4

A litangwa lije akemana a Munkinda wa Oliveta, mu ngangela ya Yelusalema. Asinoni Munkinda wa Oliveta ukatavuka akati kushangumuka mu ngangela kweta na mu kangombe ka yambi, co cimbongo cakama manene cikakala mukati. Co litambelo limo lya munkinda likashwenya ku kunto likwavo mu mbwela.

Mateo 5:4

“Vanavezika vaje valinakulila, omwo Njambi akavazembeleka!

Luka 19:29

Omo wetele kuyehi na Mbetefanje na Mbetaniya ku Munkinda wa Oliveta, co watumine vandongisi vavali kulutwe,

Luka 19:37

Omo Yesu wetele kuyehi na Yelusalema, ku mutambela kuje ngila yashelumukilile ku Munkinda wa Oliveta, co mbunga yakama ya vandongisi vendi vashangumukile kukandelela kuli Njambi nakumushangala mu majwi akutambeka omwo a vyuma vyoshe vyakama vije vivamwene

Luka 19:41

Yesu wetele kuyehi na nganda, co omo waimwene, walilile manene

Luka 21:37

Yesu wakele nakulongesa mu Njuvo ya Shukulu Kalunga matangwa aje, co ku simbu ya cingwezi, watundilemo waile ku Munkinda wa Oliveta kukakalako vutsiki vwoshe.

Luka 22:39

Yesu watundile mu nganda, co waile, ngwe mwakele nakulinga, waile ku Munkinda wa Oliveta, co vandongisi vendi vamukavele.

Vilinga vya Miluwa 1:12

Asinoni miluwa velukile ku Yelusalema kutunda ku Munkinda wa Oliveta, kapwile ngwe kanunda ka kilomita imolika kutunda mu nganda.

Loma 12:15

Vwaeleleni na vaje valinakuvwaelela, lileni na vaje valinakulila.

1 Kolinte 12:26

Nga cilyo cimo ca ku muvila cilinakuyanda, co vyoshe vilyo viyandela amo naco, nga cilyo cimo vacishangala, co vyoshe vilyo vivwaelela amo naco.