2 Samwele 15:2 - Livulu lya Shukulu Kalunga

² Ikeye wendukile mutondo waile nakwimana kumukulo wa ngila ya ku cikolo ca nganda. Co oshe aje ezila munu uje ali na n̄anda ngeci mwene aisompe, omo eta kuje, co Avisalome amusana amwihula oku kwatunda. Co nga uje munalume amuleka muyati kuje kwanatundu,

2 Samwele 15:2 Iomraidhean Croise

Kushangumuka 34:20

Hamole na munendi Shekeme vaile ku mutambela wakuliwanena ku cikolo ca nganda, co vendekele kuli vandambo vavo ngwavo,

2 Samwele 19:8

Co mwene wakatukile, waile wakatumbamene kuyehi na cikolo ca nganda. Co vanu vendi vazivile ngwavo ali kuje, co voshe vezile vakungulukile kuli ikeye. A simbu ije, vaIsalele voshe vatewele, munu na munu waile kwimbo lyendi.

2 Mizimbu 10:7

Vamukumbulwile ngwavo, “Nga ushaka kupangela vanu ava mwamuvwa kumbulula mwamuvwa cihula cavo, co simbu yoshe vakakupangela na kulongwa.”

Yombi 24:14

A mungulungengu, lipwepwe enduka aya nakutsiya kautu na muka-kuyanda, co ku vutsiki aya nakwiva.

Kutuuka 18:14

Omo Yetolo wamwene vyuma vyoshe vije vyalingile Mosesa, co wamwihwile ngwendi, “Evi vyoshe ulinakulinga kuli vanu vinapu vikajo? Omwo vikajo ulinakulinga evi ove lika, vanu valinakwimana kuno kutunda ku mutondo nakweta ku vutsiki mukukwihula lika?”

Kutuuka 18:16

Omo vanu vavali vali na vin̄anda, co vaija kuli yange ngeci njiwane iya umo akati kavo ali na mulonga nambe uje navwaesa, co njivaleka kushika kwa Njambi na mashiko endi.”

Kutuuka 18:26

Vapwile maako va vanu simbu yoshe, co vanenele lika vin̄anda vyavikalu kuli Mosesa, oloni vakevo vasompele lika vin̄anda vyavindondo akati kavo.

Visimo 4:16

Omwo vaka-vuvi kuvesi kulala tulo kuvanga vanalingi cuma cimo cacivi, vakalala cilavu-lavu noo vanavulumuna munu.

Ndanyele 11:21

Co uje kangelo wakele nakulumbununa ngwendi, “Mwene wa Silya mukwavo akapwa mwene wamuvi uje kapwilemo mukupwa mwene, oloni akaija cishitumukila, co akakala na nzili na linyanyamena.

Mateo 27:1

Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye.

Kwituluka mu Mashiko 17:8

“Nga milonga imo ikakaluwa akuyisompa ngeci mwa milonga yakuyongwela munu nga ikeye natsi ku monde nambe vanalingi wakutsiya na cintulu, nambe milonga yakuvulumuna munu a muvila, nambe n̄anda yakulipangela vushwana. Omo vanalingi evi, co mukaya ku mwela uje wakaangula Shukulu Kalunga Njambi yeni wakumulemesela.

Lute 4:1

Asinoni Mbowasi waile ku mwela wakukungulukila ku cikolo ca mu nganda, co watumbamene mu mbanja. Cooni kavushoko ka Elimeleke wa a mbunge, uje yatumbwile Mbowasi, wezile. Ngecivene, Mbowasi wamusanene ngwendi, “Ndolome yange ija utumbame kuno.” Co watumbamene.