2 Samwele 15:10 - Livulu lya Shukulu Kalunga

¹⁰ Oloni Avisalome watumine miluwa ku miyati yoshe ya Isalele nakwendeka ngwendi, “Omo mukaziva kwoya kwa malupembo, co mukolumwina vingunda ngweni, ‘Avisalome ololo napu mwene ku Hevelone!’ ”

2 Samwele 15:10 Iomraidhean Croise

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

2 Samwele 14:30

Ngecivene, Avisalome wendekele kuli vangamba vendi ngwendi, “Kengeni, lihya lya Yowave lili kuyehi na lihya lyange, co mukemwo munamene mbale ya maumwa. Yeni mukenyekemo.” Ngecivene, vaile nakwenyeka lije lihya.

2 Samwele 15:9

Co mwene wendekele ngwendi, “Ya mu kwoloka.” Co Avisalome waile ku Hevelone.

2 Samwele 19:10

Twavwavesele mazi Avisalome nakumupwisa mwene, oloni vanamutsiila mu nzita. Ngecivene, omwo vikajo kukwesi munu elwise Mwene Ndaviti?”

2 Samwele 2:1

Munima yevi, Ndaviti wehwile Shukulu Kalunga ngwendi, “Njasa kuya ku nganda imo ili mu vinganda vya Yunda nakuyifungulula ndi?” Co Shukulu Kalunga wamukumbulwile ngwendi, “Eyo.” Ndaviti wehwile ngwendi, “Nganda ikajo?” Co Shukulu Kalunga wamukumbulwile ngwendi, “Hevelone.”

2 Samwele 2:11

Ndaviti washwanene mu Hevelone na mu Yunda myaka itanu na ivali na vingonde vitanu na imo.

2 Samwele 5:5

Ndaviti wakele ku Hevelone omo washwanene mu Yunda myaka itanu na ivali na vingonde vitanu na imo, co waile ku Yelusalema kuje washwanene Isalele na Yunda myaka makumi atatu na myaka itatu.

1 Vimyene 1:11

Asinoni Natane waile kuli Mbateshemba, vaina ya Solomoni, co wamwihwile ngwendi, “Kuma kuwazivile ngeci Andoniya muna Hangite nalipwisa mwene, oloni Mwene Ndaviti kazivuka cuma eci ndi?

1 Vimyene 1:34

co kuje vene Zandoke muka-kukombelela, na Natane muka-kwimanena, vakamuvwavese mazi kupwa mwene wa mu Isalele. Co imbeni lupembo nakutambeka ngweni, ‘Mwene Solomoni ayoye!’

2 Vimyene 9:13

Aje vene vaje vamyata, vajalele vuzalo vwavo akamwa ya vindendelo ngeci Yehu emaneo, co vembile malupembo, nakutambeka ngwavo, “Yehu ololo napu mwene!”

1 Mizimbu 11:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele, ngwe mwavakulaesele Shukulu Kalunga ali Samwele.

1 Mizimbu 12:23

Omo Ndaviti wakele ku Hevelone, co mashwalale vavangi vakulilongesa valipandakanene ku nzita yendi mukumukwasa ngeci apwe mwene ainge mu mwela wa Saulu, ngwe muje mwakulaesele Shukulu Kalunga. Ovu vukevwo vungi vwavo.

1 Mizimbu 12:38

Co mashwalale voshe ava, valivwaeselele cimweja nzita, vaile ku Hevelone, vayongwele kupwisa Ndaviti mwene mu Isalele mwoshe. Co vanu va Isalele voshe valizivasanene mu vutumbe ovu.