2 Samwele 14:32 - Livulu lya Shukulu Kalunga

³² Avisalome wamukumbulwile ngwendi, “Yove wavyanene kwija omo njakusanene. Njashakele ngeci njikutume kuli mwene ukamwihule ngwove, ‘Omwo vikajo njatundilile ku Ngeshule nakwija kuno? Kuma capwile cacivwa kuli yange nga njatumbamene kuje vene.’ ” Co Avisalome wendekele ngwendi, “Ngecivene, njishaka unjitave ngeci njikalimone na mwene, co nga yange njili na mulonga, mwamuvwa anjitsiye.”

2 Samwele 14:32 Iomraidhean Croise

Kushangumuka 3:12

Co munalume wamukumbulwile ngwendi, “Ou munakazi iwanjanene ngwove njikale nendi, ikeye nanjanene vuje vushuka, ngeci njinalile.”

2 Samwele 13:37

Oloni Avisalome watewele, waile kuli Talemai muna Amihunde, mwene wa ku Ngeshule. Co Ndaviti walilile munendi Aminone simbu yakama.

2 Samwele 14:31

Co Yowave waile ku njuvo ya Avisalome wamwihwile ngwendi, “Omwo vikajo vangamba vove vanenyeka lihya lyange?”

2 Samwele 3:3

wamucivali Kilyave, vaina Avingaile, fwile ya Navale, wa ku Kalemele, wamucitatu Avisalome, vaina Maka, muna Talemai mwene wa ku Ngeshule,

Myaso 36:2

Omwo valyalesa nakuyongola ngwavo Njambi kasa kumona vuvi vwavo nakuvahisilavwo.

Kutuuka 14:12

Kuma kutwakulekele omo te kanda twije ngwetu eci cikalingiwa? Twakulekele ngwetu twecele tupwe vinzinda va vaka-Ingito. Mwamuvwa kupwa vinzinda kutuvakana kutsila muno mu mambo.”

Kutuuka 16:3

co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Kutuuka 17:3

Oloni vanu va Isalele vakele na lihwila manene, co anga vatwaleleo kulinyengela kuli Mosesa. Vendekele ngwavo, “Omo vikajo watutundisilile mu Ingito ngeci wakututsise na vana vetu na vimuna vetu ku lihwila?”

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mateo 25:44

“Asinoni vakamukumbulula ngwavo, ‘Mwene, simbu ikajo twakumwene uli na njala, nambe na lihwila, nambe u mungenzi, nambe na vuzu, nambe nakuvinja, nambe mu kamenga, co tujeneke kukukwasa?’

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

1 Samwele 15:13

Samwele walamatele waile kuli Saulu, co Saulu wamukandelelele, wendekele ngwendi, “Shukulu Kalunga akuvezikise, Samwele! Njinononoka lishiko lya Shukulu Kalunga.”

1 Samwele 20:8

Ngecivene, njizivileko ngozi, omwo yange nove tunalikumiiya cikumiiyo cakujela. Oloni nga yange njinaviisa, co njitsiye vene yove! Omwo vikajo unjitwala kuli isho nakunjitsiya?”