2 Samwele 14:26 - Livulu lya Shukulu Kalunga

²⁶ Ikeye wakele na vin̄ambu vyavingi, co wakele nakuviteula lumo a mwaka, omo vinakolo manene nakulema. Vyakele na vulemu vwakutuvakana makilo avali kupwisa ku vulemu vuje vushakiwa.

2 Samwele 14:26 Iomraidhean Croise

Kushangumuka 23:16

Avilahama watavele, co wafwetele ndando ije yatumbwile Efelone, na vaHiti vazivileko. Yapwile mu vimbongo vyakupwa 400 vya mavundungulu a siliva, ngwe ku seteko ije vakele nakweseka nayo vaka-kulandesa.

2 Samwele 18:9

Co kukasumuka, Avisalome waliwanene na vanu vamo va Ndaviti. Avisalome walondele a kavalu, co omo wakele nakwita mwisi ya muti wakama wa oke wakulifwa ngwe musivi, mutwe wendi wasakamenene mu minango. Co kavalu watewele, oloni Avisalome wasalele alinakujenjela a mukambwila.

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Ezekiyele 44:20

“Vaka-kukombelela kuvapandele kuteula ku mitwe yavo, nambe kwecelela vin̄ambu vyavo kupwa vyavilaja-laja embwe. Vanapande kuvinyunga mwamuvwa ngeci vipwemo ku vulaja na vwihi.

VaLevi 19:36

Pangeseni vipeseleso vinapandemo vyavivwa na vulemu vwavyo vwavuvwa, pangeseni seteko ya vinganja na malonga ije inapandemo. Yange njapwa Kalunga Njambi yeni, uje wamitundisile mu lifuti lya Ingito.

1 Kolinte 11:14

Omwo vikajo? Cisemwa cikeco vavenya cilongesa ngeci vin̄ambu vyavilaja vinapu cuma ca shwamwa kuli munalume,