2 Samwele 14:12 - Livulu lya Shukulu Kalunga

¹² Co munakazi wendekele ngwendi, “Shukulu, shukulu, njitave njendeke cuma cimolika.” Co mwene wamukumbulwile ngwendi, “Mwamuvwa endeka.”

2 Samwele 14:12 Iomraidhean Croise

Kushangumuka 18:27

Avilahama wendekele lalo ngwendi, “Shukulu njisambese a lukakateya lwange lwakwendeka nove. Yange nji munu wangoco, kunjapandele kwendeka cuma cikwavo lalo.

Kushangumuka 18:32

Avilahama wehwile lalo ngwendi, “Shukulu Kalunga kesi uluvale embwe, njicendekeko lalo lumolika. Vatijo nga mukawanamo lika vanu likumi?” Co Shukulu Kalunga wamukumbulwile ngwendi, “Kunjikainyongesa nga muje mu nganda muli vanu likumi.”

Kushangumuka 44:18

Yunda washwenyele kuli Yosefa wendekele kuli ikeye ngwendi, “Yove shukulu yange, njitave njendeke nove. Kesi uluvale nange, omo yove unapu ngwe mwene vene.

2 Samwele 14:11

Co uje munakazi wendekele ngwendi, “Shukulu, shukulu, lombela kuli Shukulu Kalunga Njambi yove, ngeci kavushoko kange ou ashaka kulinga shambandinga a kutsa kwa munange, kesi alinge mulonga wakama lalo wakutsiya munange mukwavo nasalako.” Co Ndaviti wamukumbulwile ngwendi, “Njikukulaesa ali Shukulu Kalunga wakuyoya ngwange munove kakavulumuka lalo embwe.”

2 Samwele 14:13

Co uje munakazi wendekele kuli mwene ngwendi, “Omo vikajo unalingi vuvi vwa cifwa cangacije ku vanu va Njambi? Yove kuwatavele munove eluke kutunda ku vunzinda, co ololo walihisa yove vavenya nevi unendeka.

2 Samwele 20:17

Ngecivene, Yowave waile, co uje munakazi wamwihwile ngwendi, “Yove Yowave ndi?” Yowave wamukumbulwile ngwendi, “Eyo, yange vene.” Munakazi wamulekele ngwendi, “Njitolilileni, shukulu.” Yowave wamukumbulwile ngwendi, “Njinakutolilila.”

1 Vimyene 2:14

Co wendekele lalo ngwendi, “Njili na cuma cimo cakwendeka nove.” Co Mbateshemba ngwendi, “Cuma mukajo?”

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Vilinga vya Miluwa 26:1

Angilipa wendekele kuli Paulu ngwendi, “Ololo uli na simbu yakulyamena yove vavenya.” Co Paulu wolwele livoko lyendi nakulyamena ngwendi,

1 Samwele 25:24

ku mendi a Ndaviti, wendekele kuli ikeye ngwendi, “Shukulu, mwane, njitolilileni! Njalimono njili na mulonga.