2 Samwele 13:3 - Livulu lya Shukulu Kalunga

³ Oloni Aminone wakele na musamba wendi walikeelela lizina lyendi Yonandave, muna Shamema ndolome ya Ndaviti.

2 Samwele 13:3 Iomraidhean Croise

Kushangumuka 3:1

Oloni linyoka wapwile wakunyanyama manene kutuvakana tusitu voshe vaje Shukulu Kalunga Njambi watangele, co wehwile munakazi ngwendi, “Kuma mwa vushunga vene Njambi namileka ngwendi kesi mulye ku vushuka vwa ku muti woshe-iwoshe wamuno mu lihya ndi?”

Kushangumuka 38:1

A simbu ije Yunda wasezele vandolome vendi, waile nakukala na munalume umo lizina lyendi Hila, wa mu nganda ya Andulame.

Kushangumuka 38:20

Yunda watumine musamba wendi Hila wa ku Andulame, kutwala muna membe kuli uje munakazi ngeci akashake cije cishimbikiya cendi, oloni Hila kakamuwanene.

2 Samwele 13:2

Wamushungwiiye manene ngeci watundisileo nakuvinja, capwile cacikalu kuli Aminone kuwana Tamale, omwo ikeye wapwile mumbanda uje kanda alimone na munalume, kuvamutavesele kuliwana na vanalume.

2 Samwele 13:32

Oloni Yonandave, muna Shamema mukulunu wa Ndaviti, wendekele ngwendi, “Shukulu, kuvatsiile vana vove voshe embwe, kuvanga Aminone lika ikeye ivanatsii. Avisalome ikeye nashiki cuma eci ngeci cilingiwe, omwo mbunge yendi inakala nakuvavala kutunda a simbu ije Aminone wawisile ndokazi yendi Tamale nakulinga nendi vuvi.

2 Samwele 13:4

Co Yonandave wendekele kuli Aminone ngwendi, “Yove unapu u muna mwene, oloni omwo vikajo a litangwa na litangwa njikakumono unazeye?” Aminone wamukumbulwile ngwendi, “Njizema Tamale, ndokazi ya shongo yange Avisalome wa mu limo lyeka.”

2 Samwele 14:2

ngecivene, Yowave watumine munakazi wakunyanyama wakele mu Tekowa. Omo uje munakazi wetele, co Yowave wendekele kuli ikeye ngwendi, “Likwise ngwe ulinakulila, zala vuzalo vwove vwakulila, kesi usakule vin̄ambu vyove, co kesi ulikwite mazi. Linga ngwe munakazi uje nakala simbu yakama nakulila.

2 Samwele 21:21

Ikeye wayeluwisile vaIsalele, co Yonatana, muna Shamema, ndolome ya Ndaviti wamutsiile.

1 Mizimbu 2:13

Njesi wakele na vana va vanalume vatanu na vavali. Ntwatwa wapwile, Elyave, wamucivali Avinandave, wamucitatu Shama,

1 Mizimbu 27:32

Yonatana, inanu ya Mwene Ndaviti, wapwile muka-kunangula wa mana na muka-kulilongesa. Ikeye, na Njehiyele muna Hakemone vakele na moko ya a vilongesa vya vana va mwene.

Esita 5:10

Oloni wolokele kuluu, co waile ku njuvo yendi. Asinoni Hamane walanyele vasamba vendi ku njuvo yendi nakulomba munakazi wendi Zeleshe ngeci akale amo navo.

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Esita 6:13

Co ikeye walekele munakazi wendi na vasamba vendi voshe vyuma vyoshe vije vyalingiwile kuli ikeye. Asinoni munakazi wendi na vaje vasamba vendi vaka-mana vamulekele ngwavo, “Molendekai nashangumuka kukuhyana ku moko. Ikeye wapwa kaYunda, co kuwasa kumuhyana. Mwa vushunga vene akakufungulula.”

Visimo 19:6

Vanu vavangi vakashaka kupwa vasamba va vanu vaje vasa kuvakwasa.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

Yakomba 3:15

Mana a cifwa cangacije kuwatundile mwilu embwe, awa akundama ku vya kaye, akewo kesi a ku munzinzime oloni a ku minzinzime yakujwala.

Maako 14:20

co munakazi wa Samusoni vamwanene kuli musamba wendi, uje wamukwasele a simbu ya vushombolwa.

1 Samwele 16:11

Co Samwele wehwile Njesi ngwendi, “Kukwesi vana vove veka lalo ndi?” Co Njesi wamukumbulwile ngwendi, “Kwali shongo yavo, oloni ikeye muka-kunyunga vimanga.” Samwele wendekele ngwendi, “Tumako munu akamushake. Kutwasa kukombelela kuvanga ikeye naija.”

1 Samwele 16:9

Asinoni Njesi wanenele Shama. Co Samwele ngwendi, “Embwe, Shukulu Kalunga kaangwile ou.”