2 Samwele 13:28 - Livulu lya Shukulu Kalunga

²⁸ co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

2 Samwele 13:28 Iomraidhean Croise

Kushangumuka 9:21

Co omo wanwile vinyu wapendele, ngeci washulwile vuzalo vwendi vwoshe, walalele mutotototo a vulili mu mbalaka yendi.

2 Samwele 11:13

Ndaviti walanyele Uliya kukulya kwa cingwezi, co wamupendesele. Oloni vutsiki vuje lalo Uliya kaile ku njuvo yendi, oloni walalele a kambilititi kendi mu lipela ku mulili wa vaka-kunyunga.

2 Samwele 11:15

Ndaviti wasonekele ngwendi, “Twameka Uliya kulutwe lwa mukana, kuje kuyinaamena manene nzita, co yeni ilukeni vuseta-nima ngeci Uliya vamutsiye.”

2 Samwele 12:10

Co ololo, mu cisemwa na cisemwa ca vatekulwila vove vamo vakatsa ku monde omwo kuwanjononokele, co lalo unambata munakazi wa Uliya.

2 Samwele 13:27

Oloni Avisalome wakele nakumusindiya noo mwene watavele Aminone na vana vendi voshe kuya amo na Avisalome. Avisalome wavwaesele vyakulya vyafwila mwene,

2 Samwele 14:6

Co shukulu, yange ngamba yove njakele na vana vange va vanalume vavali, litangwa limo valingile vimata ku mahya, kukwakele munu wakuvakanda, co umo watsiya mukwavo.

1 Vimyene 20:16

Nzita yashangumukile akati ka mutwe ka litangwa, omo Mbenehandande na vasamba vendi vaka-kumukwasa makumi atatu na vavali vakele nakunwa vwala mu vimbalaka vyavo.

Esita 1:10

Co a litangwa lyamucitanu na avali lya ciwano cendi, omo mwene wakele nakunwa nakuvwaelela, wasanene Mehumane na Mbizeta na Halevona na Mbingeta na Ambangeta na Zetale na Kalekase vayunuke vatanu na vavali vaje vapangele kuli mwene ngeci

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Kutuuka 1:18

Co mwene wasanene vaje vifungwizi wavehwile ngwendi, “Omwo vikajo munalingi eci? Omwo vikajo mulinakwecelela vimbututu va vanalume vayoye?”

Muka-kwambulula 10:19

Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.

Muka-kwambulula 9:7

Twalao kulya vyakulya vyove nakuvwaelela, nwa vinyu vyove na mbunge yakujolela, omwo Njambi wayongwele laja ngeci evi vikevyo unapande kulinga.

Ndanyele 5:30

Co ku vutsiki vuje vene Mbeleshazale mwene wa Mbambilone, vamutsiile,

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Vilinga vya Miluwa 5:29

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”

Maako 19:6

Ngecivene, vaje vanalume vavali, vatumbamene nakulya nakunwa amo. Co uje ishe ya mumbanda wamulekele ngwendi, “Kala kuno vutsiki vuno lalo nakulivwaelelesa yove vavenya.”

Maako 19:9

Omo uje munalume, na lishano lyendi lya mbanja, na ngamba yendi vashangumukile lalo kuya, co ishemweno wendekele ngwendi, “Kenga, ololo lyatoko laja, mwamuvwa kaleni kuno vutsiki vwoshe. Ololo kwija lisusulungu, laleni kuno vene, co mukakala na simbu yaivwa. Imene mukalimeneka mutondo-tondo a vungenzi vweni vwakuya kwimbo.”

Lute 3:7

Omo Mbowasi wamanesele kulya nakunwa, wavwaelelele manene. Co waile ku mutumbo wa mbale, walalele kuje. Asinoni Lute wezile nakulimwenga, wafukwile lipai ku mendi a Mbowasi, co walalele.

1 Samwele 18:22

Saulu washikile vamyata vendi vendeke kuli Ndaviti mu vushweke ngwavo, “Mwene alinakuvwaelela nove na vamyata vendi voshe vakuzema, ngecivene, upwe ishemweno ya mwene.”

1 Samwele 28:10

Asinoni Saulu walisingile cisingo cakujela ngwendi, “Mu lizina lya Shukulu Kalunga wakuyoya, kuukakala na mulonga omwo a cuma eci.”

1 Samwele 28:13

Mwene wendekele kuli ikeye ngwendi, “Kesi uzive lyova. Vika wamono?” Co uje munakazi wamukumbulwile ngwendi, “Njamono munzinzime umo ulinakutuuka mu livu.”