2 Samwele 13:20 - Livulu lya Shukulu Kalunga

²⁰ Omo ndolome yendi Avisalome wamumwene, wamwihwile ngwendi, “Aminone nakulingi mwamuvi ndi? Kesi ulinyenge embwe. Ikeye napu ndolome yove wa mu limo lyeka, ngecivene, kesi ulekeko munu cuma eci cinalingiwa.” Ngecivene, Tamale wakele mu njuvo ya Avisalome wombwele.

2 Samwele 13:20 Iomraidhean Croise

Kushangumuka 34:2

Shekeme muna Hamole kaHivi, wapwile muna mwene wa lifuti lije, omo wamumwene, co wamuwisile.

Kushangumuka 46:15

Ava vakevo vana va vanalume vakitile Leya kuli Yakomba ku Mesopotamya, amo na munendi wa munakazi Ndaina. Voshe vatekulwila vendi kuli Leya vapwile makumi atatu na vatatu.

2 Samwele 13:19

Walishuwilile lito ku mutwe wendi, co watavwile cikoveyo cendi, walikwatele mbimbi-mutwe oku aya nakulila.

2 Samwele 13:21

Omwo Mwene Ndaviti wazivile vije vyalingiwile, waluvalele manene.

2 Samwele 14:24

Nameme ngoco, mwene washikile ngwendi Avisalome kapandele lalo kukala mu lipela embwe. Mwene wendekele ngwendi, “Kunjishaka kumumona.” Ngecivene, Avisalome wakele mu njuvo yendi, co kakele nakusholoka ku mesho a mwene.

Visimo 26:24

Muka-civembulu akashweke cizindo cendi na majwi akuseveleka.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”