2 Samwele 13:1 - Livulu lya Shukulu Kalunga

¹ Avisalome muna Ndaviti, wakele na ndokazi yendi wamuvwa wa muzike lizina lyendi Tamale. Co Aminone muna Ndaviti wamuzemene manene.

2 Samwele 13:1 Iomraidhean Croise

Kushangumuka 29:18

Yakomba wazemene Lakele, co wendekele kuli Lambani ngwendi, “Njikamipangela myaka itanu na ivali nga munjitava kwambata Lakele.”

Kushangumuka 29:20

Yakomba wapangelele Lambani myaka itanu na ivali ngeci ambate Lakele, oloni simbu ije yasholokele ngwe matangwa amandondo lika kuli ikeye, omwo Yakomba wazemene Lakele manene.

Kushangumuka 34:3

Oloni wamwene ngeci uje mumbanda wapwile wamuvwa manene, co wamushakele nakumuzema ngecivene, wesekele kumukokweya.

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

2 Samwele 13:15

Aminone wazindile manene Tamale, co cizindo cendi catuvakanene cizemo cije camuzemene akulivanga. Co wendekele kuli ikeye ngwendi, “Tuuka anja!”

2 Samwele 13:2

Wamushungwiiye manene ngeci watundisileo nakuvinja, capwile cacikalu kuli Aminone kuwana Tamale, omwo ikeye wapwile mumbanda uje kanda alimone na munalume, kuvamutavesele kuliwana na vanalume.

2 Samwele 14:27

Avisalome wakele na vana vatatu va vanalume na mwana wa munakazi umolika lizina lyendi Tamale, wapwile munakazi wamuvwa manene.

1 Vimyene 11:1

Solomoni wazemene manene vanakazi vavangi va ku vifuti vyeka. Kupandakanako muna mwene wa ku Ingito, Solomoni wambatele vanakazi va ku Hivi, na vanakazi va ku Mowavi, na ava va ku Amoni, na ava va ku Endome, na ava va ku Sindone.

1 Mizimbu 3:2

Wamucitatu Avisalome, vaina vapwile Maka muna Mwene Talemai wa ku Ngeshule. Wamuciwana Andoniya, vaina vapwile Hangite.

1 Mizimbu 3:9

Kupandakana ku vana voshe ava, Ndaviti wakele na vana kuli mashano vendi va mbanja. Co lalo wakele na mwana wa munakazi lizina lyendi Tamale.

Visimo 31:30

Citso ca munu cikakwisa, na vuvwa vwa cihanga cendi vwapwa vwangoco, oloni munakazi uje asingimika Shukulu Kalunga vakamushangazala.

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.