2 Samwele 12:9 - Livulu lya Shukulu Kalunga

⁹ Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

2 Samwele 12:9 Iomraidhean Croise

2 Samwele 11:4

Ngecivene, Ndaviti watumine miluwa kukamushaka, co vamunenele kuli Ndaviti, co walalele nendi. (Omo nalijelesa laja.) Mbateshemba welukile ku njuvo yendi.

2 Samwele 12:10

Co ololo, mu cisemwa na cisemwa ca vatekulwila vove vamo vakatsa ku monde omwo kuwanjononokele, co lalo unambata munakazi wa Uliya.

2 Samwele 16:7

Co Shimei wasingile Ndaviti nakwendeka ngwendi, “Ya! Ya! Muka-kutsiya! Ove ciyambangani!

1 Vimyene 15:5

Shukulu Kalunga walingile eci omwo Ndaviti walingile vije vyamuvwasele, co wononokele kukushika kwendi, kuvanga lika a mulonga wa Uliya kaHiti.

1 Vimyene 21:19

Muleke ngwove yange, Kalunga, njendeka kuli ikeye ngwange, ‘Kuma omo unatsii munu, co ulyambatela na vufuko vwendi lalo ndi?’ Muleke ngwove evi vikevyo njinendeka yange ngwange, ‘Mu mwela umolika vene uvanakacwila tutali maninga a Navote mukemwo lalo vakakacwila maninga ove!’ ”

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Myaso 51:14

Yove Njambi njamene ku mulonga wakutsiya, co njikavwaelela kwambulula vushunga vwove.

Myaso 51:16

Yove kuwashakele vin̄ombelo, nga njikakukombelelavyo, yove kuwesi kuvwaelela na vin̄ombelo vya kwenyeka.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Myaso 90:8

Yove wazivuka vuvi vwetu, nameme vuvi vuje tukalingi mu vushweke.

Visimo 14:2

Woshe uje ayoya kuyoya kwakuvwa, amwesa ngeci alinakwononoka Shukulu Kalunga, oloni woshe uje ayoya kuyoya kwa kupenga-penga, amwesa ngeci alinakuyengula Shukulu Kalunga.

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Njelemiya 18:10

oloni muyati uje kuvanjononoka, oloni valinga vuvi, co kunjikalingi vyuma vije vyavivwa vinjayongwele kulinga.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

1 Samwele 15:19

Co omwo vikajo kuwononokele majwi a Shukulu Kalunga? Omwo vikajo washatukilile ku vyakupukula, co walingile vije kuvyavwaelelesele Shukulu Kalunga?”

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:26

Co Samwele wamukumbulwile ngwendi, “Kunjiiluka amo nove, omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”