2 Samwele 12:24 - Livulu lya Shukulu Kalunga

²⁴ Asinoni Ndaviti wazembelekele munakazi wendi Mbateshemba. Walimwene nendi, co wakitile mwana wa munalume, uje yalukile lizina lya Solomoni. Shukulu Kalunga wazemene mwanike ou,

2 Samwele 12:24 Iomraidhean Croise

2 Samwele 12:25

co washikile Natane muka-kwimanena aluke mwanike lizina lya Njendindiya, omwo Shukulu Kalunga wamuzemene.

2 Samwele 5:14

Vana vendi vasemukilile mu Yelusalema vapwile, Shamwa, Shombambe, Natane, Solomoni,

2 Samwele 7:12

Omo ukatsa nakukutsinda na vakukulwila vove, co njikapwisa umo wa ali vana vove mwene, njikakolesa vumwene vwendi.

1 Vimyene 1:10

oloni kalanyeleko ndolome yendi Solomoni wa ku lwale, nambe Natane muka-kwimanena, nambe Mbenaya, nambe vaka-kunyunga vakama va mwene.

1 Vimyene 1:11

Asinoni Natane waile kuli Mbateshemba, vaina ya Solomoni, co wamwihwile ngwendi, “Kuma kuwazivile ngeci Andoniya muna Hangite nalipwisa mwene, oloni Mwene Ndaviti kazivuka cuma eci ndi?

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

1 Mizimbu 3:5

co vana vavangi vavakitilile kuje. Co munakazi wendi Mbateshemba, muna Amiyele, wakitile vana vawana mazina avo, Shimeya, na Shombambe, na Natane, na Solomoni.

Nehemiya 13:26

Co njavalekele ngwange, “Ava vene vanakazi vaka-kwija vakevo valingisile Mwene Solomoni vuvi. Wapwile munalume muka-nzili kuhyana vimyene voshe va miyati yeka. Njambi wamuzemene, co wamupwisile mwene wa Isalele yoshe, oloni walingile vuvi ovu vene.

Visimo 4:3

Omo njapwile mwana wa munalume, mwana wamundondo umolika kuli vanana,

Mateo 1:6

Njesi wakitile Mwene Ndaviti. Mwene Ndaviti wakitile Solomoni kuli uje wapwile munakazi wa Uliya,

Kwituluka mu Mashiko 33:12

A muyati wa Mbenjemani Mosesa wendekele ngwendi, “Ou ukewo muyati wazema Shukulu Kalunga nakuunyunga. Ikeye akavanyungu a litangwa na litangwa, akakala akati kavo.”