2 Samwele 12:20 - Livulu lya Shukulu Kalunga

²⁰ Co Ndaviti wendukile asi, wajwelele, nakusakula vin̄ambu vyendi, wazalele vuzalo vweka. Asinoni waile nakulemesa mu Njuvo ya Shukulu Kalunga. Omo welukile ku lipela, walombele vyakulya, co vamunenelelevyo, walile.

2 Samwele 12:20 Iomraidhean Croise

2 Samwele 12:19

Omo Ndaviti wavamwene valinakuliyevetela, wanangukile ngeci mwanike natsi. Ngecivene, wavehwile ngwendi, “Mwanike natsi ndi?” Vamukumbulwile ngwavo, “Eyo, natsi.”

2 Samwele 12:21

Co vamyata vendi vendekele ngwavo, “Kutwazivisisile mwamuvwa a evi, omo mwanike nakele na mwonyo, wamulilile nakulikela kulya, oloni omo natsi, unatumbama nakulya!”

2 Samwele 14:2

ngecivene, Yowave watumine munakazi wakunyanyama wakele mu Tekowa. Omo uje munakazi wetele, co Yowave wendekele kuli ikeye ngwendi, “Likwise ngwe ulinakulila, zala vuzalo vwove vwakulila, kesi usakule vin̄ambu vyove, co kesi ulikwite mazi. Linga ngwe munakazi uje nakala simbu yakama nakulila.

2 Samwele 19:24

Asinoni Mefimboshete, mutekulu wa Saulu, wezile nakushesha mwene. Ikeye kajwelele ku mendi endi, nambe kuteula munjezi wendi, nambe kukusha vuzalo vwendi kutunda a simbu ije mwene watundile mu Yelusalema noo welukile nakushwana.

2 Samwele 6:17

Asinoni vaakele Cikasa mu mwela waco mu Mbalaka ije yatungile Ndaviti. Ngecivene, Ndaviti wakombelelele vin̄ombelo vya kwenyeka, na milambu ya kulitombola kuli Shukulu Kalunga.

2 Samwele 7:18

Asinoni Mwene Ndaviti wakovelele mu Mbalaka Mwakuliwanena, watumbamene asi, co walombelele ngwendi, “Yange iyajo Shukulu Kalunga wa Akamwa ya Vyoshe, na naanga yange ikeyo ikajo, ngeci unjilingile vyoshe evi?

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Myaso 103:1

Mbunge yange ishangazale Shukulu Kalunga, na muvila wange woshe ushangazale lizina lyendi lyakujela!

Myaso 103:8

Shukulu Kalunga ikeye wa ngozi na mema ku mbunge, kesi kuluvala vwasi, washula na cizemo cije kucesi kutenguluka.

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Visimo 3:7

Kesi ulimone ngwe u muka-mana embwe, oloni komoka Shukulu Kalunga, tunda ku vuvi.

Muka-kwambulula 9:8

Simbu yoshe zala vuzalo vwavuvwa nakuvwava mazi ku mutwe wove.

Mateo 6:17

Oloni omo mulikela-kela kulya, jweleni ku mesho nakusakula vin̄ambu vyeni,

Luka 7:46

Yove kuwavwaesele mazi akuvwavesa mutwe wange, oloni ou munakazi navwavesa myanja yange na mazi a seo yakama.

Lute 3:3

Co jwela nakulikwita mazi akunika lwengo lwaluvwa, zala vuzalo vwove vuje vwavuvwa manene. Asinoni ya kuje alinakulelekela mbale, oloni kesi ukasholoke kuli ikeye embwe, noo namanesa kulya nakunwa.

1 Samwele 15:25

Oloni njilomba unjisambese ku vuvi vwange, co wiluke amo nange ngeci njikalemese Shukulu Kalunga.”

1 Samwele 15:31

Ngecivene, Samwele welukile amo nendi ku Ngilingale, co Saulu walemesele Shukulu Kalunga.