2 Samwele 12:17 - Livulu lya Shukulu Kalunga

¹⁷ Vamyata vendi va mu mbanja vaile kuli ikeye vesekele kumwindula, oloni wavyanene, co lalo kalile vyakulya amo navo.

2 Samwele 12:17 Iomraidhean Croise

Kushangumuka 24:2

Avilahama wendekele kuli ngamba yendi wa mukulunu, uje wakele na moko a vyuma vyoshe vije wakele navyo ngwendi, “Aka livoko lyove mukati ka mao ange nakulisinga.

Kushangumuka 37:35

Asinoni vana vendi voshe va vanalume na ava va vanakazi vezile kuli ikeye nakumuzembeleka, oloni ikeye wavyanene kumuzembeleka wendekele ngwendi, “Njikaya ku vukalo vwa vatsi anga njicilila munange.” Ngecivene, watwaleleo kulila manene munendi Yosefa.

2 Samwele 12:18

Co omo kuneti matangwa atanu na avali mwanike watsile, vamyata va Ndaviti vakele na lyova lyakumuleka kutsa kwa mwana. Vendekele ngwavo, “Omo mwanike wakele nakuyoya, Ndaviti kasele kutukumbulula omo twendekele nendi. Co vatijo twasa kumuleka ngwetu munove natsi? Amo alivulumuna ikeye vavenya!”

2 Samwele 3:35

Litangwa lije lyoshe vanu vesekele kusindiya Ndaviti ngeci alyeko cuma cimo, oloni walisingile ngwendi, “Njambi anjitsiye nga njilya cuma cimo omo litangwa kanda litoke!”

Myaso 102:4

Mbunge yange inazeye, co inomu cau ngwe mwila, nange kunjesi lalo na cizango cakulya vyakulya.

Ndanyele 6:18

Co mwene welukile ku lipela lyendi walikelele kulya nambe kutolilila ku myaso yakumuzivisa kuvwaa ije vembile. Co wakele na cilavu-lavu vutsiki vwoshe.

1 Samwele 28:23

Saulu wavyanene wendekele ngwendi, “Kunjishaka kulya cuma cimo.” Oloni vamyata vendi, na uje munakazi vamusindiiye ngeci alye. Co akukotoka wavatavele, wendukile asi, watumbamene a vulili.