2 Samwele 11:2 - Livulu lya Shukulu Kalunga

² Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

2 Samwele 11:2 Iomraidhean Croise

Kushangumuka 12:11

Omo Avilama wetele kuyehi na nginga ya Ingito, co wendekele kuli munakazi wendi Salai ngwendi, “Yove uwamuvwa manene.

Kushangumuka 3:6

Omo munakazi wamwene vuvwa vwa uje muti na sholovya ya vushuka vwawo, co lalo ukewo wasa kutengulwisa munu akale na mana, wapotwele vushuka vwawo, walile. Co waaneneko vumo munalume wendi, nendi lalo walile.

Kushangumuka 34:2

Shekeme muna Hamole kaHivi, wapwile muna mwene wa lifuti lije, omo wamumwene, co wamuwisile.

Kushangumuka 39:6

Potifalo waakele vyuma vyendi vyoshe a mavoko a Yosefa ngeci avinyunge, ku vyoshe vije vyakele navyo kaakeleko mbunge kuvanga vyakulya vyendi lika. Yosefa wapwile wamuvwa na muvila wendi na cihanga cendi.

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

2 Samwele 13:1

Avisalome muna Ndaviti, wakele na ndokazi yendi wamuvwa wa muzike lizina lyendi Tamale. Co Aminone muna Ndaviti wamuzemene manene.

2 Samwele 14:27

Avisalome wakele na vana vatatu va vanalume na mwana wa munakazi umolika lizina lyendi Tamale, wapwile munakazi wamuvwa manene.

2 Samwele 4:5

Lekave na Mbana vakatukile vaile ku njuvo ya Ishemboshete vetele kuje litangwa kuyehi na akati ka mutwe, Ishemboshete wakele nakuhwima a simbu ije vene.

2 Samwele 4:7

Co omo vali mukati, vaile ku mulili wa Ishemboshete, vamuwanene ali mu tulo twalalele mbuli mutenga, co vamutsiile. Ngecivene, vavatwile mutwe wendi, vawambatele, vendele vutsiki vwoshe mu Cana ca Yondau.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso 119:37

Tengulwila mesho ange kweka, ngeci kesi njimone vyuma vyangoco, pwa wamuvwa kuli yange ngwe muje wanjikulaesele.

Visimo 19:15

Vulwa vwasa kulalesa munu tulo twakama, munu wa cifwa eci akayanda na njala.

Visimo 31:30

Citso ca munu cikakwisa, na vuvwa vwa cihanga cendi vwapwa vwangoco, oloni munakazi uje asingimika Shukulu Kalunga vakamushangazala.

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Visimo 7:8

Ikeye wakele nakwenda mu tapalo, kuyehi na masambwa-ngila kuje kwakele munakazi umo. Co mukwenje ou wetile kuyehi na njuvo ya uje munakazi,

Njelemiya 19:13

Vinjuvo vya mu Yelusalema na vinjuvo vya vimyene va mu Yunda, na a viluli vya vinjuvo vyoshe aje vakele nakwenyekela insense ku vingongonosi, na kuje vakele nakwitilila vinyu kupwa mulambu ku vinjambi veka, vyoshe vikapwa vya mazilo ngwe ku Tofete.”

Mateo 10:27

Evi vinjilinakumileka mu vushweke, mukavyendeka mu mbunga, co nevi mulinakuziva vyakuyeveta, vyambululeni ku lifuti lyoshe.

Mateo 24:17

Munalume uje ali akamwa ya njuvo yendi kesi akashulukeo nakwambata vije vili mu njuvo yendi.

Mateo 5:28

Oloni yange njimileka ngwange, woshe akenga shwii munakazi na lishungu nalingi laja nendi vupangala mu mbunge yendi.

Vilinga vya Miluwa 10:9

Alikaki, omo vakele nakuya nakushwenya kuyehi na Yopa, Petulu walondele ku mulili wa akamwa ya njuvo a simbu ya mutanya ngeci akalombele.

Kwituluka mu Mashiko 22:8

“Omo mukatunga njuvo yaiha, co mukakako civumbe cacihi cakuzengeleka akamwa ya njuvo, kutewa mukakala na mulonga nga munu akandumukao na kutsa.

Kwituluka mu Mashiko 5:21

“ ‘Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.’

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Yowano 2:16

Omwo vyuma vyoshe vije vyakundama ku kaye, vije vishungwiya mashungu amavi a vunu, vije vanu vamona nakuvishungwiya na vyuma vyoshe vya muno mu kaye vije vanu vali na kulyalesa navyo, nacimo cai ali evi catunda kuli Tate, vyoshe evi vyatunda mu kaye.

1 Samwele 9:25

Co omo vatundile ku mwela uje wakulemesela nakuya kwimbo, co vakavwaeselele Saulu vulili akamwa ya njuvo,