2 Samwele 11:16 - Livulu lya Shukulu Kalunga

¹⁶ Omo Yowave wakele nakuzengeleka nganda, co watumine Uliya ku mutambela kuje kwazivukile ngwendi kuli vitozi va nzili.

2 Samwele 11:16 Iomraidhean Croise

2 Samwele 11:15

Ndaviti wasonekele ngwendi, “Twameka Uliya kulutwe lwa mukana, kuje kuyinaamena manene nzita, co yeni ilukeni vuseta-nima ngeci Uliya vamutsiye.”

2 Samwele 11:17

Co vanalume va muje mu nganda vezile nakulwa na mashwalale va Yowave, vamyata vamo va Ndaviti vavatsiile, co na Uliya lalo vamutsiile.

2 Samwele 11:21

Kuma yeni munevala muje mwatsile Avimeleke muna Ngilyone ku Tembeze ndi? Kesi munakazi wamwandumwinine limanya lyakulola vunga lije lyatundile kwilu ku civumbe nakumutsiya ndi? Omwo vikajo mwashwenyelele kuyehi na civumbe?’ Nga mwene akakwihula a evi, co ukamuleka ngwove, ‘Ngamba yove Uliya lalo vanamutsii!’ ”

2 Samwele 3:27

Omo Avinele wetele ku Hevelone, co Yowave wamutwalele kwavo lika ku cikolo, ngwe ashaka kumuleka vyakushweka, kuje vene wamutivile mu lifu. Co watsile omwo ikeye watsiile Ashahele ndolome ya Yowave.

1 Vimyene 2:5

“Solomoni munange anuka vije vyalingile Yowave kuli yange akutsiya vaka-kushika nzita ya Isalele vavali, Avinele muna Nele, na Amasa muna Njetele. Wavatsiile ngwe vitozi vendi va mu nzita, oloni wacilingile a simbu ya kwoloka. Ali na mulonga, co cili kuli yove kumuhisa.

2 Vimyene 10:6

Co Yehu wavasonekelele mukanda ukwavo ngwendi, “Nga munemana amo nange, co munononoka mashiko ange, neneni mitwe ya vatekulwila va Mwene Ahave kuli yange kuno ku Njezelele a simbu ino vene imene.” Co vatekulwila va Mwene Ahave vapwile makumi atanu na avali, vavanyungile kuli vakulunu va mu Samaliya, vakevo vavalelele.

Visimo 29:12

Nga muka-kushwana atolilila ku vukaleo vwa makuli, co vamyata vendi voshe vapwa vaka-makuli.

Hoziya 5:11

Isalele valinakumuyandesa. Nazimbalesa lifuti lije lyapwile vufuko vwendi vavenya, omwo washakele manene kuya mukuwana vukwasi kuli vaje kuvasa kumwanavwo.

Vilinga vya Miluwa 5:29

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.