2 Samwele 11:1 - Livulu lya Shukulu Kalunga

¹ Kukuhwa kwa mwaka, simbu ije vimyene vakele nakuya nakulwa nzita, Ndaviti watumine Yowave na vamyata vendi na mbunga ya mashwalale vaIsalele, vafungulwile vaMowavi nakuzengeleka nganda ya Lamba. Oloni Ndaviti wasalele mu Yelusalema.

2 Samwele 11:1 Iomraidhean Croise

2 Samwele 10:14

Omo vaAmoni vamwene vaSilya valinakutewa, co navo lalo vatewele kutunda kuli Avishai nakwiluka mu nganda. Asinoni Yowave walikelele kulwisa vaAmoni, welukile ku Yelusalema.

1 Vimyene 20:22

Asinoni muka-kwimanena welukile lalo nakunangula Mwene Ahave wendekele ngwendi, “Iluka ukakolese mashwalale vove, mukayongole matumbe amavwa, omwo mwene wa Silya akeluka lalo mungolosika nakumilwisa.”

1 Vimyene 20:26

Co a mwaka ukwavo wasanene vanu vendi nakuya navo ku nganda ya Afeke nakulwisa vaIsalele.

1 Mizimbu 20:1

Akushangumuka mwaka, a simbu ije vakai vimyene mukulwa nzita, Yowave watwamenenene mashwalale kukalwisa lifuti lya vaAmoni, oloni Mwene Ndaviti wasalele mu Yelusalema. Co vazengelekele nganda ya Lamba, vailwisile, nakuyinyongesa.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

Myaso 60:9

Iyajo akanjikovelesa mu nganda ije ili mu cimpaka, yove Njambi? Iyajo akanjitwamenena ku Endome?

Muka-kwambulula 3:8

Kuli simbu ya cizemo, na simbu ya cizindo, kuli simbu ya nzita, na simbu ya kwoloka.

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Njelemiya 49:3

Vanu va ka Heshevone, lileni manene! Nganda ya Ai inanyongo! Vanakazi va mu Lamba, lileni! Zaleni vikeleya nakulila. Shatozokeni mu kuuya-uya, omwo njambi yeni Moleki vakamutwala mu vunzinda amolika na vaka-kukombelela vendi na vamyata.

Ezekiyele 21:20

Ngila imo ikamwesa mwene ngila yakuya ku nganda ya vaAmoni ku Lamba, co ngila ikwavo yakuya ku Yunda, ku Yelusalema nganda ya cimpaka.

Amose 1:14

Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Zakaliya 14:3

Asinoni Shukulu Kalunga akaya nakulwa na miyati ya vanu vaje, ngwe mwalwile mu visimbu vya kunima.

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)

1 Samwele 18:30

Co mbunga ya mashwalale va vaFilisitiya vakele nakwija nakulwa, oloni mu nzita yoshe Ndaviti wakele nakuhyana kutuvakana vamyata va Saulu, co a cuma cangacije, Ndaviti watsimanene manene.