2 Samwele 10:6 - Livulu lya Shukulu Kalunga

⁶ Omo vaAmoni vanangukile ngeci Ndaviti napu citozi cavo, co vakumwine mashwalale va vaSilya 22,000 va ku Mbetelehove, na Zova, amo na vanalume 12,000 va ku Tove, co mwene wa ku Maka wezile na vanu vendi 1,000.

2 Samwele 10:6 Iomraidhean Croise

Kushangumuka 34:30

Yakomba wendekele kuli Simyoni na Levi ngwendi, “Mwanjikovelesa mu vukalu, ololo vaKanana, na vaPelezi, na vanu voshe va muno mu lifuti vakanjizinda. Yange kunjesi na vanu vavangi, nga voshe vakalipandakana amolika nakunjilwisa, co vakanyongesa naanga yetu yoshe.”

2 Samwele 10:5

Vakele na shwamwa manene yakwiluka kwimbo. Omo Ndaviti wazivile vije vyalingiwile, co wavatuminine majwi akuvavindika ngeci vakale ku Yeliko kesi veluke noo minjezi yavo inamene lalo.

2 Samwele 10:7

Omo Ndaviti wazivile vije vyalingiwile, watumineko Yowave na mashwalale voshe nakuvalwisa.

2 Samwele 16:21

Co Ahitofele wamukumbulwile ngwendi, “Ya ukalale na mashano va mbanja va isho vaje vanaseza kunyunga lipela. Ngecivene, munu woshe mu Isalele akazivuke ngeci kuma isho napu citozi cove, co vanu vove vakapwa vakusimpa.”

2 Samwele 23:34

Na Elifelete muna Ahashimbai wa ku Maka, na Elyame muna Ahitofele wa ku Ngilo,

2 Samwele 8:12

miyati ya vaEndome, na vaMowavi, na vaAmoni, na vaFilisitiya, na vaAmaleke, na litambelo lije vapukwile lyatambwile kuli Handandezele.

2 Samwele 8:3

Co lalo wafungulwile Mwene Handandezele, muna Lehombe wa mu lifuti lya Zova mu Silya, omo Handandezele waile nakwilwisa vumwene vwendi mu lifuti lya Ndonga ya Yufuleti.

2 Samwele 8:5

Omo vaSilya va ku Ndamasiku vatumine mbunga ya mashwalale vakakwase Mwene Handandezele, co Ndaviti wavalwisile, watsiileo vanu 22,000.

1 Vimyene 11:24

cooni wapwile mukulunu wa munga ya viyambangani. (Eci calingiwile omo Ndaviti nafungulula laja Handandezele nakutsiya vaka-kumukwasa vaSilya.) Lezone na vanu vendi vaile nakutunga ku Ndamasiku, vanu vendi vamupwisile mwene wa Silya.

2 Vimyene 7:6

Shukulu Kalunga wazivisile vaSilya cililimo cakufwa ngwe ca mashwalale vavangi vaija na tuvalu na matemba, co vaSilya vayongwele ngeci mwene wa mu Isalele nakumuna mwene wa vaHiti na mwene wa Ingito na mashwalale vavo mukuvalwisa.

Myaso 48:4

Vimyene valikungulwile amolika, mukulwisa Munkinda wa Siyone.

Kutuuka 5:21

Vendekele kuli Mosesa na Alone ngwavo, “Shukulu Kalunga amone vimunalingi, co amihise omwo munatuzindisa kuli mwene na vantwama vendi. Yeni munavana moko yakututsiisa.”

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Njelemiya 40:8

Ngecivene, Ishimela muna Netaniya, na Yohanane muna Kaleya, na Selaya muna Tanehumete, na vana va Efai va ku Netofa, na Njezaniya wa ku Maka vaile na vanu vavo kuli Ngendaliya ku Mizipa.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Kwituluka mu Mashiko 3:14

Njaile mutekulwila wa Manase, ikeye wafungulwile lifuti lyoshe lya Alengove. Eli likelyo lyapwile lifuti lya Mbashane, nakweta ku nginga ya Ngeshule na Maka. Co ikeye walukile membo aje lizina lyendi vavenya, co na lelo lino vacili nakuwatumbula ngwavo membo a Njaile.)

Maako 11:3

Co Njefeta watewele kutunda kuli vandolome vendi, wakakele mu lifuti lya Tove. Kuje wakongumukile na munga ya vanu veka vangoco, co vendele amo nendi.

Maako 11:5

Omo eci calingiwile, vantwama va Ngilyande vaile nakukashaka Njefeta uje wakele ku lifuti lya Tove.

Maako 18:28

Co naumo wai wavamenene, omwo Laishe yakele kulyala na Sindone, co lalo kuvalyendelele na vakwavo vanu. Co lije limbo lyakele mu cana ku Mbetelehombe. Vanalume va ku Ndani vatungulwile ije nganda, co vakelemo.

1 Samwele 13:4

Co vaIsalele voshe vavalekele ngwavo Saulu natsii muka-kushika nzita ya Filisitiya, ngeci vaFilisitiya vazindile Isalele. Co vanu vaile nakuliwana na Saulu ku Ngilingale.

1 Samwele 27:12

Oloni Akishe wakulaelele Ndaviti, co walyendekesele mu mbunge yendi ngwendi, “Ou munu vamuzinda manene vavushoko vwendi vaIsalele, cooni akanjipangela a simbu yakuyoya kwendi kwoshe.”