2 Petulu 1:2 - Livulu lya Shukulu Kalunga

² Kutetela na kwoloka vikale amo neni akuzivuka Njambi na Yesu Mwene yetu.

2 Petulu 1:2 Iomraidhean Croise

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Ndanyele 4:1

Mwene Nevukaneza watumine lijwi kuli vanu va ku mafuti oshe na miyati yoshe ya vanu na kuli vanu vaka-kwendeka mu vindaka vyoshe mu kaye mwoshe ngwendi, “Ciindu ceni muvavoshe.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Luka 10:22

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vaashaka Mwana kuvasholwelaye.”

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

2 Petulu 1:3

Nzili ya vuNjambi vwendi inatwana vyuma vyoshe vije tunajeneka mukuyoya kwakuvwa kwa vuNjambi akutuzivuka kuli uje natusana ngeci tulipangele vumpau na vuvwa vwendi.

2 Petulu 1:5

Omwo a cuma eci, lingeni na nzili kuwezelelako vuvwa kukukulaela kweni, ku vuvwa vweni wezeleleniko mana,

2 Petulu 1:8

Evi vikevyo vyuma munapande kukala navyo, co nga mulinavyo mu vungi, vikevyo vikamilingisa kupwa vaka-kupanga na vaka-kwima vushuka mu mana eni ali Mwene yetu Yesu Kilistu.

2 Petulu 2:20

Omwo nga vanu vanaputumuka ku vinzili vyakuviya vya kaye a mana avo ali Mwene yetu na Muyoyesi wetu Yesu Kilistu, co lalo vakwatiwa ku vikevyo nakuvafungulula, vanu va cifwa cangacije kuviya kwavo kwakukotoka kukatuvakana manene kuje kwakulivanga.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

Yunda 1:2

Mema ku mbunge na kwoloka na cizemo vipwe vyeni museteko yakushula.

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,