2 Petulu 1:1 - Livulu lya Shukulu Kalunga

¹ Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

2 Petulu 1:1 Iomraidhean Croise

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Mateo 10:2

Awa akewo mazina a vaje miluwa likumi na vavali. Wakulivanga, Simoni (uje vatumbula Petulu) na ndolome yendi Anduleo, Yakomba na ndolome yendi Yowano vana va Zembendeo.

Mateo 4:18

Omo Yesu wakele nakushwangesa Lishali lya Ngalileya, wamwene vandolome vavali vaka-kujevela visi, Simoni (uje vatumbula Petulu) na ndolome yendi Anduleo, vakele nakutsiya visi mu lishali a linimbwa.

Luka 1:47

mwonyo wange uvwaelela omwo Njambi Muyoyesi wange,

Luka 11:49

A cuma eci Mana a Njambi anendeka ngwawo, ‘Njikavatumina vaka-kwimanena na miluwa, vakatsiya vamo vavo, co vamo vakavayandesa.’

Yowano 1:42

Asinoni Anduleo watwalele Simoni kuli Yesu. Yesu wamukengele, co wendekele nendi ngwendi, “Lizina lyove yove Simoni muna Yowano, oloni vakakutumbula Kefase.” (Eli linalifu mumolika na Petulu, co lilumbunuka ngwalyo “Limanya.”)

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

Loma 1:12

Njendeka ngeci neni nange twakulitakamese a simbu imolika, yeni akukulaela kwange nange akukulaela kweni.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 15:9

Omwo yange njapwa wakukotokela kuli voshe miluwa, kunjapandelemo mukunjitumbula muluwa, omwo njapakesele cikungulukilo ca Njambi.

1 Kolinte 9:1

Kuma kesi nji munu wakupatuka ndi? Kuma kesi nji muluwa ndi? Kuma kunjamwene Yesu Mwene yetu ndi? Kuma yeni kesi munapu vipangi vyange muli Mwene ndi?

2 Kolinte 4:13

Visoneka vyendeka ngwavyo, “Njendekele omwo njakulaelele.” Mu munzinzime wa cifwa cimolika lalo twendeka omwo tukulaela.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Ngalatiya 2:8

Omwo a nzili ya Njambi vanjipwisile muluwa kuli vaje kesi vaYunda, ngwe muvapwisile Petulu muluwa kuli vaYunda.

Efeso 3:5

Mu simbu ya kunima vanu kuvavalekele visin̄iko evi, oloni Njambi navisholola ololo ali Munzinzime wendi kuli miluwa vendi vakujela na kuli vaka-kwimanena vendi.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Efeso 4:5

Kuli Mwene umo, kukulaela kumo, kumbwitika kumo,

Filipu 1:1

Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

Filipu 1:29

Omwo vanamyana vwana vwakupangela Kilistu, kesi lika akumukulaela, oloni nakumuyandela lalo.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

2 Timateo 1:5

Njilinakwanuka kukulaela kwove kwa vushunga, kukulaela kwa kuje kuku yove Loisi na vanyako Yunisi vakele nakwo. Njakulaela ngwange nove lalo ulinakwo.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

1 Petulu 1:1

Mukanda wakutunda kuli yange Petulu, muluwa wa Yesu Kilistu. Kuli vanu va Njambi vakwangula vaje valinakuyoya ngwe vangenzi mu mafuti oshe a Pontase na Ngalatiya na Kapandosiya na Asiya na ku Mbitaniya.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

1 Petulu 2:7

Eli linapu limanya lya seo yakama manene kuli yeni vaje vanakulaela, oloni kuli vaje kuvakulaelele, “Limanya lije vavyanene vaka-kutunga likelyo ololo linapu lya seo kuli voshe.”

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.