2 Mizimbu 9:8 - Livulu lya Shukulu Kalunga

⁸ Wakushangazala Shukulu Kalunga Njambi yove! Ikeye namwesa kuvwaelela kwendi akukupwisa mwene ushwane mu lizina lyendi. Omwo ikeye wazema vanu vendi va Isalele, co ashaka kuvanyunga ku myaka yoshe, ikeye nakupwisa mwene yavo ngeci unyunge mashiko na vushunga.”

2 Mizimbu 9:8 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

1 Vimyene 10:9

Vashangazale Shukulu Kalunga Njambi yove! Nakumwesa kuvwaelela kwendi akukupwisa mwene wa mu Isalele. Omwo cizemo cendi a Isalele cije kucesi kutenguluka, ikeye nakupwisa mwene yavo ngeci unyunge mashiko na vushunga.”

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Mizimbu 17:22

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

1 Mizimbu 28:5

Co ikeye wanjanene vana vavangi manene, co vakevo ava voshe waangwileo Solomoni kushwana Isalele, vumwene vwa Shukulu Kalunga.

1 Mizimbu 29:10

Co aje vene, kulutwe lwa mbunga yoshe, Mwene Ndaviti washangazalele Shukulu Kalunga, wendekele ngwendi, “Shukulu Kalunga Njambi ya kukulwila yetu Yakomba, vakushangazale ku myaka yoshe!

1 Mizimbu 29:20

Asinoni Ndaviti washikile vanu ngwendi, “Shangazaleni oni Shukulu Kalunga Njambi yeni!” Co mbunga yoshe yashangazalele Shukulu Kalunga Njambi ya vakukulwila vavo, co vatsikamene nakulemesa, mukwana kasingimiko kuli Shukulu Kalunga na kuli mwene lalo.

1 Mizimbu 29:23

Ngecivene, Solomoni washwanene a litanda lya ishe Ndaviti, lije lyamuvwaeselele Shukulu Kalunga. Co ikeye wapwile mwene wakuvezika, muyati woshe wa Isalele vamwononokele.

2 Mizimbu 13:8

Ololo mwayongola kulwisa vumwene vuje vwaanene Shukulu Kalunga kuli vatekulwila va Ndaviti. Muli na mashwalale vavangi, co lalo muli na vingombe va ngolinde vaje vapangele Yelovowame ngeci vapwe vinjambi veni.

2 Mizimbu 2:10

Co a vyakulya vya vanu vove, njikakutumina vulemu vwakupwa 2,000 vwa tiliku na vulemu vwakupwa 2,000 vwa mbale ya maumwa, na malita akupwa 400,000 a vinyu na malita akupwa 400,000 a mazi a olive.”

2 Mizimbu 2:11

Mwene Hilame wa ku Tile wakumbulwile Solomoni mu mukanda ngwendi, “Omwo Shukulu Kalunga wazema vanu vendi, co ikeye nakupwisa mwene yavo.

2 Mizimbu 9:7

Vanu valinakukupangela vanavezika manene, vanu ava simbu yoshe vali ku mesho ove nakuziva vyendeka vyove vya mana!

2 Mizimbu 9:9

Co vamwene wa ku Shemba waanene vwana vwezile navwo kuli Mwene Solomoni. Makilo akutuvakana 4,000 a ngolinde, na n̄undu yaingi manene na mamanya a seo yakama. Co n̄undu yamwanene vamwene wa ku Shemba yatuminine manene ije kanda ayitambuleo nambe simbu ya kunima.

Myaso 18:19

Wanjikwasele kunjitundisa mu vushonde, wanjamenene omwo wavwaelelele nange.

Myaso 22:8

Co vendeka ngwavo, “Yove wakulaelele kuli Shukulu Kalunga, omwo vikajo lalo kakwamena? Nga Shukulu Kalunga wakushaka, vikajo kakukwasela?”

Myaso 72:2

ngecivene, akaakwile vanu vove mu vushunga, nakusompela vaka-kuyanda mu vushunga.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Visimo 29:4

Omo mwene asompa mwa vushunga, co vanu vakala mwamuvwa, oloni nga aaka mbunge yendi ku mazika-kanwa lika, co aviisa lifuti lyendi.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Kwituluka mu Mashiko 7:8

Oloni Shukulu Kalunga wamizemene, co alinakunyunga cikumiiyo cije walikumiiye na vakukulwila veni. Ngeci wamitundisilemo mu lifuti lya vundungo na livoko lyendi lya nzili yakama nakumikula ku livoko lya mwene wa Ingito.