2 Mizimbu 9:6 - Livulu lya Shukulu Kalunga

⁶ Oloni kunjakulaelele vije vivanjilekele vanu kuvanga omo njinaija mukulimwena yange vavenya na mesho ange. Nameme vivanjilekele a mana ove vyapwile vyavindondo lika oloni mwa vushunga vene u muka-mana kutuvakana muje vanjilekelelemo.

2 Mizimbu 9:6 Iomraidhean Croise

1 Vimyene 10:7

Oloni kunjakulaelele vivanjilekele vanu kuvanga omo njinaija mukulimwena yange vavenya. Kunjazivisisile nambe cimo, mana ove na vufuko vinapu vyakama manene kutuvakana muje vanjilekele.

1 Vimyene 4:31

Solomoni wapwile muka-mana manene kutuvakana vanalume voshe, wakele na mana manene kutuvakana Etane kaEzela, na Hemane, na Kalokole, na Ndalenda, vana va Mahole, co lutsimo lwendi lwetele mu mafuti oshe aje amuzengelekele.

1 Vimyene 4:34

Co vimyene voshe va mu kaye vazivile a mana a Solomoni, co vatumineko vanu kuya nakumutolilila.

2 Mizimbu 9:5

Co wendekele kuli mwene ngwendi, “Evi vinjazivile mu lifuti lyange ali yove na a mana ove vinapu vya vushunga!

2 Mizimbu 9:7

Vanu valinakukupangela vanavezika manene, vanu ava simbu yoshe vali ku mesho ove nakuziva vyendeka vyove vya mana!

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

1 Kolinte 2:9

Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.