2 Mizimbu 9:27 - Livulu lya Shukulu Kalunga

²⁷ A simbu yakushwana kwendi, siliva yapwile yaingi mu Yelusalema ngwe mamanya angoco, na miti ya kendale yatumine manene ngwe miti ya mikuyu mu lifuti lya ku vushelumukilo vwa malundu lya mu Yunda.

2 Mizimbu 9:27 Iomraidhean Croise

1 Mizimbu 27:28

Mbale Hanane wa ku Ngendele ikeye wakele nakukenga a miti ya olive na mikuyu ije yakele mu lifuti lya ku vushelumukilo vwa malundu lya mu kangombe ka yambi, Yowashe ikeye wakele nakukenga a vinjuvo vyakutulikila mazi a olive.

2 Mizimbu 9:20

Vinganja vyoshe vyanwililile Mwene Solomoni vyapwile vya ngolinde, na vivala vyoshe vya mu Njuvo ya ku Shwata ya Lembanone na vikevyo lalo vyapwile vya ngolinde yaivwa manene. Kuvapangesele lalo siliva, omwo kuyakele na seo a matangwa a Mwene Solomoni.

Myaso 78:47

Ikeye lalo waviisile miti yavo ya mikolovozi ya vushuka vwa vinyu na nyonzi ya mamanya, na miti ya mikuyu waiviisile na mbundu.

Isaya 9:10

“Nambe vinjuvo vya vindopi vyalundumukila asi, oloni tukatunga vinjuvo vyeka vya mamanya akushonga. Nambe vanashinji miti ya mikuyu, oloni tukengisamo miti yaivwa ya kendale.”

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Luka 19:4

Ngecivene, washatukilike kulutwe lwa mbunga, co walondele ku muti wa linongo ngeci amone Yesu uje wetilile mu ngila ije.