2 Mizimbu 9:21 - Livulu lya Shukulu Kalunga

²¹ Mwene Solomoni wakele na mato amangi manene aje akele nakuya amo na mato a Mwene Hilame. Omo kuneti myaka itatu, mato endi akele nakunena ngolinde, na siliva, na mayo a vinjamba, na vanamaundu, na vin̄ima.

2 Mizimbu 9:21 Iomraidhean Croise

1 Vimyene 10:22

Mwene Solomoni wakele na mato amangi manene aje akele nakuya amo na mato a Hilame. Omo kuneti myaka itatu, mato endi akele nakunena ngolinde, na siliva, na mayo a vinjamba, na vanamaundu, na vin̄ima.

1 Vimyene 22:48

Mwene Njosefati washongele mato akama a mu mema a kalunga aje vavwaeselele kututa ngolinde ya ku lifuti lya Ofila, oloni kuwaileko omwo atavukilile ku Eziongembele.

2 Mizimbu 8:18

Mwene Hilame wamutumine mato akama vaatwamenenene kuli vamyata vendi, vakele nakuwajavula kuli vaje vazivukile vingila vya mu mema. Co vaile ku lifuti lya Ofila amo na vamyata va Solomoni, co vanenelele Solomoni vinjeke vya ngolinde vyakutuvakana makilo akupwa 15,000.

2 Mizimbu 9:20

Vinganja vyoshe vyanwililile Mwene Solomoni vyapwile vya ngolinde, na vivala vyoshe vya mu Njuvo ya ku Shwata ya Lembanone na vikevyo lalo vyapwile vya ngolinde yaivwa manene. Kuvapangesele lalo siliva, omwo kuyakele na seo a matangwa a Mwene Solomoni.

Yombi 39:13

“Mambava a nkumbwa akaapukumuna mu kulyalesa! Nambe ali na maka na maunga, oloni kesi na cizemo.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Njelemiya 10:9

Tumponya twavo twakucakeya siliva ya ku Sipeini na ngolinde ya ku Ufaze, nakutuzika vinanga vyakuzivuluka nevi vya linyu vyakuvenguluka, vyakushela kuli vatongwe, twapwa vipangi vya vaka-kushonga.

Ezekiyele 27:12

“Vanu va ku Tashishi valandulwile nove omwo wapwile muka-kufuka. Valandakanene siliva, na vutale, na citasu, na shumbu.

Ezekiyele 27:15

Vanu va ku Ndendane valandulwile nove, co vanu va ku vikuma vyavingi vakwanene mayo a vinjamba na miti yakushonga milamu mukulandakana na vufuko vwove.

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.