2 Mizimbu 9:1 - Livulu lya Shukulu Kalunga

¹ Omo vamwene wa ku Shemba wazivile lutsimo lwa Solomoni, co waile ku Yelusalema mukumweseka na vihula vyakukaluwa. Waile na vanu vavangi manene, na tumelo vambatele n̄undu, na mamanya a seo yakama, na ngolinde yaingi manene. Omo waliwanene na Solomoni, wamwihwile vihula vyoshe vije vyakele mu mbunge yendi.

2 Mizimbu 9:1 Iomraidhean Croise

Kushangumuka 10:28

na Ombale, na Ambimaele, na Shemba,

Kushangumuka 10:7

Vatekulwila va Kushe mazina avo, Semba, na Havila, na Sambeta, na Lama, na Sambeteka. Vatekulwila va Lama mazina avo, Shemba, na Ndendane.

Kushangumuka 25:3

Njokeshane ikeye wapwile ishe ya Shemba, na Ndendane, co vatekulwila va Ndendane mazina avo, Ashulime, na Letushime, na Leumime.

1 Vimyene 4:31

Solomoni wapwile muka-mana manene kutuvakana vanalume voshe, wakele na mana manene kutuvakana Etane kaEzela, na Hemane, na Kalokole, na Ndalenda, vana va Mahole, co lutsimo lwendi lwetele mu mafuti oshe aje amuzengelekele.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

2 Mizimbu 1:12

Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”

2 Mizimbu 9:2

Co Solomoni wavikumbulwile vyoshe, kukwakele cuma cacikalu conwene kulumbununa.

2 Mizimbu 9:9

Co vamwene wa ku Shemba waanene vwana vwezile navwo kuli Mwene Solomoni. Makilo akutuvakana 4,000 a ngolinde, na n̄undu yaingi manene na mamanya a seo yakama. Co n̄undu yamwanene vamwene wa ku Shemba yatuminine manene ije kanda ayitambuleo nambe simbu ya kunima.

Myaso 142:2

Njinena kulinyenga kwange kwoshe kuli ikeye, nakumuleka lalo tuyando twange twoshe.

Myaso 49:4

Njikatolilila ku visimo, co njikanungulula muvinanungulukila omo njikaimba kalyalya.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Myaso 72:15

Mwene ayoye myaka yoshe! Vamwane ngolinde ya ku Shemba, co vanu vamulombelele simbu yoshe, vivezikiso vya Njambi vikale ali ikeye simbu yoshe!

Myaso 78:2

Njikendeka mu visimo na mu tusau a vyuma vije vyalingiwile ku san̄ulu,

Visimo 1:6

ngeci vase kuzivuka mwamuvwa mwanalumbunukila majwi a visimo, na majwi aje avendeka vaka-mana na tusau twavo.

Isaya 60:6

Matanga akama a tumelo, akatunda ku Mindyani na Efa. Vanu va Shemba vakanena ngolinde, na insense mukushangazala Shukulu Kalunga!

Mateo 12:34

Yeni muyati wa mambwambwa, vatijo mwasa kwendeka vyuma vyavivwa kuma yeni mwapwa mu vaka-vivi? Omwo kanwa kakendeka vije vyashula mu mbunge.

Mateo 12:42

A Litangwa Lyakusompa Vamwene wa ku Shemba akakatuka nakumihisa, omwo ikeye watundile ku lifuti lyendi waile kuli Solomoni mukukatolilila vilongesa vyendi vya mana, co njimileka ngwange, kuli cuma cimo kuno cakama cinatuvakana Solomoni!

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 13:35

Walingile evi mukushulisa vyendekele muka-kwimanena ngwendi, “Njikapangesa visimo omo njendeka kuli vakevo, njikavaleka vyuma vyakushwekesa tunde akutanga kwa kaye.”

Mateo 2:11

Co vakovelele mu njuvo, vamwene mwanike na vaina Maliya, co vatsikamene nakumulemesa. Asinoni vafukwile mu vinjeke vyavo, co vamwanene vwana vwa ngolinde na fulankininsense na miila.

Luka 11:31

A Litangwa Lyakusompa Vamwene wa ku Shemba akakatuka nakuhisa vanu ava valinakuyoya lelo, omwo ikeye watundile ku lifuti lyendi waile kuli Solomoni mukukatolilila vilongesa vyendi vya mana. Co njimileka ngwange, kuli cuma cimo kuno cakama cinatuvakana Solomoni.

1 Samwele 1:15

Oloni Hana wamukumbulwile ngwendi, “Embwe mwane, kunjapendele. Kunjesi kunwa! Njinakala nakulombela, nakwana tuyando twange kuli Shukulu Kalunga.