2 Mizimbu 8:14 - Livulu lya Shukulu Kalunga

¹⁴ Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

2 Mizimbu 8:14 Iomraidhean Croise

2 Samwele 23:2

Munzinzime wa Shukulu Kalunga alinakwendekela muli yange, majwi endi ali a ndaka yange.

1 Vimyene 13:1

Akushika kwa Shukulu Kalunga, muka-kwimanena wa ku Yunda waile ku Mbetele, omo wetele kuje wawanene Yelovowame nemana ku mutula mukukombelela n̄ombelo.

1 Mizimbu 16:37

Mwene Ndaviti waakele Asafe na vavushoko vwendi vaLevi kupwa vaka-kupanga vipangi vyakulemesa simbu yoshe ku mwela kuje kuvanyungilile Cikasa ca Cikumiiyo. Co vapangele vipangi vyavo kuje a litangwa na litangwa.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 23:1

Omo Ndaviti wakuluvalele manene, co washwanesele munendi Solomoni kupwa mwene wa mu Isalele.

1 Mizimbu 24:1

Evi vikevyo vimbunga vyakundamene kuli vatekulwila va Alone. Alone wakele na vana vawana mazina avo, Nandave, na Avihu, na Elyazale, na Itamale.

1 Mizimbu 24:3

Co Mwene Ndaviti waangunwine vatekulwila va Alone mu vimbunga ngwe ku vipangi vyavo. Co Zandoke mutekulwila wa Elyazale ikeye wamukwasele, na Ahimaleki mutekulwila wa Itamale.

1 Mizimbu 25:1

Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

1 Mizimbu 26:1

Evi vikevyo vingila vivaanene kuli vaLevi vaje vapangele vipangi vyakunyunga Njuvo ya Shukulu Kalunga. Ku cikota ca Kola kwakele Meshelemiya, muna Kole, wa ku naanga ya Asafe.

1 Mizimbu 28:19

Mwene Ndaviti wendekele ngwendi, “Vyoshe evi vili mu vutumbe vuvasonekele ngwe ku mashiko aje anjanene vavenya Shukulu Kalunga ngeci njivilinge.”

1 Mizimbu 9:17

Vaka-kunyunga Njuvo ya Shukulu Kalunga vaje vakele mu Yelusalema mazina avo, Shalume, na Akumbe, Talemone, na Ahimane. Shalume ikeye wapwile ntwama yavo.

1 Mizimbu 9:24

Co kwakele cikolo calishungamene na mitambela yoshe, ya ku kunto, na ku mbwela, na mu ngangela, na mu kangombe ka yambi, ku cikolo na cikolo kwakele mukulunu wa vaka-kunyunga.

2 Mizimbu 23:19

Yehoyanda waangwile lalo vaka-vipangi vyakunyunga ku vikolo vya Njuvo ya Shukulu Kalunga ngeci vaje kuvajelele kesi vakovelemo.

2 Mizimbu 23:4

Eci cikeco cuma citukalinga. Omo vaka-kukombelela na vaLevi vakaija ku vipangi a Litangwa Lyakuhwima, litambelo lyamucitatu lya vamo veni vanyunge ku vikolo vya Njuvo ya Shukulu Kalunga,

2 Mizimbu 29:25

Co mwene wakavangeyeye vilongesa vije vyaanene Shukulu Kalunga kuli Mwene Ndaviti ali Ngande, muka-kwimanena wa mwene, na ali Natane muka-kwimanena, co ikeye waakele vaLevi mu Njuvo ya Shukulu Kalunga, na tulyalya, na vingenjo,

2 Mizimbu 31:2

Co Mwene Hezekiya wakolesele lalo vipangi vya vaka-kukombelela na vaLevi, ngwe ku vipangi vya munu na munu. Evi vyapwile kukombelela vin̄ombelo vya kwenyeka na milambu ya kulitombola, na milambu ya cikandelela nakupanga mu Njuvo ya Shukulu Kalunga.

2 Mizimbu 35:10

Omo vamanesele kuvwaesa vyoshe vya Ciwano ca Pasovala, vaka-kukombelela na vaLevi vaile mu myela yavo, ngwe muje mwashikile mwene.

2 Mizimbu 35:15

Co vaLevi vaka-kwimba va ku cikota ca Asafe vakele mu myela yavo ngwe muvavaaneneyo ngwe ku mashiko a Mwene Ndaviti mazina avo, Asafe na Hemane na Njendutune, muka-kwimanena wa mwene. Co vaka-kunyunga ku vikolo vya Njuvo ya Shukulu Kalunga kuvatundile mu myela yavo, omwo vaLevi veka vavavwaeselele Ciwano ca Pasovala.

2 Mizimbu 35:4

Tumbameni mu Njuvo ya Shukulu Kalunga mu myela yeni ngwe ku vikota vyeni, ngwe ku vipangi vije vyamyanene Mwene Ndaviti na munendi Mwene Solomoni,

2 Mizimbu 5:11

Vaka-kukombelela voshe vaje vakeleko valijelesele, nambe vakundamene ku munga ika nambe ika.

2 Mizimbu 8:15

Co mashiko aje aanene Ndaviti kuli vaka-kukombelela na vaLevi a vinjuvo vyakutulikila na a vyuma vyeka, co vavikavele nakuvinyunga mwamuvwa.

Ezela 6:18

Co lalo vaakele vaka-kukombelela na vaLevi ku vipangi vya Njuvo ya Shukulu Kalunga mu Yelusalema, ngwe ku vilongesa vije vasoneka mu livulu lya Mosesa.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:25

Ava vaka-kunyunga ku Njuvo ya Shukulu Kalunga, vakele na moko ya kunyunga ku milili yakutulikila ya mu Njuvo ya Shukulu Kalunga vapwile, Mataniya, na Mbakevukiya, na Ovandiya, na Meshulame, na Talemone, na Akumbe.

Nehemiya 12:36

Vanu vakwavo vamwatele va ku cikota cendi, vapwile, Shemaya, na Azalele, na Milalai, na Ngilalai, na Mai, na Netanela, na Yunda, na Hanani, voshe ava vambatele vivala vyakwimbisa vya muyati uje wakele nakwimbisa Mwene Ndaviti, munu wa Njambi. Ezela muka-kulilongesa Mashiko watwamene kulutwe lwa munga.

Luka 1:5

A matangwa a Helonde, mwene wa Yundeya, kwakele muka-kukombelela lizina lyendi Zakaliya, wa ku cikota ca Aviya. Lizina lya munakazi wendi lyapwile Elizaveta, nendi lalo wapwile wa ku naanga ya vaka-kukombelela.

Luka 1:8

A litangwa limo Zakaliya wakele nakupanga vipangi vyendi vyakukombelela mu Njuvo ya Shukulu Kalunga, a simbu yendi ya vipangi vyakukombelela.

Vilinga vya Miluwa 13:22

Co omo wamutundisile, Njambi wapwisile Ndaviti mwene yavo. Eci cikeco cendekele Njambi ali ikeye ngwendi, ‘Njinawana Ndaviti muna Njesi ikeye munalume injazema, uje akalinga vyoshe vije njishaka ngeci avilinge.’

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

Kwituluka mu Mashiko 33:1

Evi vikevyo vivezikiso vije Mosesa, munu wa Njambi, wavezikisile navyo vanu va Isalele omo kanda atse.