2 Mizimbu 8:13 - Livulu lya Shukulu Kalunga

¹³ Wakombelelele vin̄ombelo vya kwenyeka ngwe ku Lishiko lya Mosesa a litangwa na litangwa lyakujela. A Matangwa Akuhwima, na a Viwano vya Kutenama kwa Ngonde, na a viwano vitatu, na a Ciwano ca Makende Akujeneka Musima, na a Ciwano ca Kuteja, na a Ciwano ca Mapapela.

2 Mizimbu 8:13 Iomraidhean Croise

1 Vimyene 9:25

Visimbu vitatu a mwaka, co Solomoni walambwile milambu ya kwenyeka, na milambu ya kulitombola a mutula uje watungilile Shukulu Kalunga. Co lalo wenyekele insense kuli Shukulu Kalunga. Ngecivene, wamanesele kutunga Njuvo ya Shukulu Kalunga.

2 Mizimbu 2:3

Co Solomoni watumine lijwi kuli Mwene Hilame wa ku Tile ngwendi, “Njikwase ngwe muwakwasele tate, Mwene Ndaviti, omo wamulandesele viti vya kendale vyakutungisa lipela lyendi.

Nehemiya 8:17

Vanu voshe vaje velukile kutunda ku vunzinda vatungile mapapela nakukalamo. Eci capwile cakulivanga kulingiwa tunde a matangwa a Yoshwa muna Nune, co vanu voshe vajolelele manene.

Kutuuka 34:22

“Mukanyunga Ciwano ca Kuteja, omo mukashangumuka kuteja vimbuto vyeni vyakulivanga. Co lalo mukanyunga Ciwano ca Mapapela a civatu ca nyonzi, omo mukakungulula vushuka vweni.

Kutuuka 34:23

“Visimbu vitatu a mwaka, vanalume veni voshe vanapande kwija, nakunjilemesa yange Kalunga, Njambi ya vaIsalele.

Ezekiyele 45:17

Cikapwa cipangi cendi kwana tusitu vakwenyeka voshe vamutunu, na milambu ya vimbuto vya vinona, na milambu ya vinyu ya muyati woshe wa Isalele a Ciwano ca Kutenama kwa Ngonde, na a Matangwa Akuhwima, na a viwano vikwavo. Napande kwana tusitu va milambu ya a vuvi, na milambu ya vimbuto vya vinona, na milambu ya kwenyeka yoshe yamutunu, na milambu ya kulitombola, mukutundisa vuvi vwa vanu va Isalele.”

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.