2 Mizimbu 7:5 - Livulu lya Shukulu Kalunga

⁵ Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

2 Mizimbu 7:5 Iomraidhean Croise

1 Mizimbu 29:21

Co alikaki mutondo vakombelelele vimuna, nakuvakundika kuli Shukulu Kalunga, asinoni vavaanene kuli vanu ngeci valye. Vakombelelele vingombe 1,000, na majamba a vimanga 1,000, na vana va vimanga 1,000, vaje vavenyekele voshe a mutula. Co lalo vanenele mulambu wa vinyu.

2 Mizimbu 1:6

Kulutwe lwa Mbalaka mwene walemesele Shukulu Kalunga nakukombelela vimuna 1,000 kupwa vin̄ombelo vya kwenyeka a mutula wa vunengu.

2 Mizimbu 15:11

A litangwa lije vene vakombelelele vin̄ombelo kuli Shukulu Kalunga vya vije vyakupukula vezile navyo, vingombe vakupwa 700, na vimanga vakupwa 7,000.

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

2 Mizimbu 30:24

Co Mwene Hezekiya waanene vanu vingombe va nkomba vakupwa 1,000 na vimanga vakupwa 7,000 ngeci vanu vatsiye valye, co vamyata vaanene vingombe va nkomba vakupwa 1,000 na vimanga vakupwa 10,000. Co mbunga yakama ya vaka-kukombelela valijelesele.

2 Mizimbu 5:6

Mwene Solomoni na vanu va Isalele voshe vakungulukilile kulutwe lwa Cikasa ca Cikumiiyo, nakukombelela vimanga na vingombe, vaje vapwile vavangi manene kuvasele kuvalava.

2 Mizimbu 7:4

Asinoni, Mwene Solomoni na vanu vendi voshe vakombelelele vin̄ombelo kuli Shukulu Kalunga.

2 Mizimbu 7:6

Co vaka-kukombelela vemanene mu myela ije ivavaanene, vemanene nakukenga kuli vaLevi, co vashangazalele Shukulu Kalunga na vyakwimbisa vije vyapangele Mwene Ndaviti, vembile mwaso ngwavo, “Cizemo cendi cije kucesi kutenguluka!” Ngwe muje mwavalekele Ndaviti. Co vaka-kukombelela vembile malupembo omo vanu voshe vemanene.

Ezekiyele 45:17

Cikapwa cipangi cendi kwana tusitu vakwenyeka voshe vamutunu, na milambu ya vimbuto vya vinona, na milambu ya vinyu ya muyati woshe wa Isalele a Ciwano ca Kutenama kwa Ngonde, na a Matangwa Akuhwima, na a viwano vikwavo. Napande kwana tusitu va milambu ya a vuvi, na milambu ya vimbuto vya vinona, na milambu ya kwenyeka yoshe yamutunu, na milambu ya kulitombola, mukutundisa vuvi vwa vanu va Isalele.”

Mika 6:7

Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi?

Kulava 7:10

Omo vavwavesele mutula, co vantwama lalo vatwalele milambu yavo yakukundika mutula.

Yowano 10:22

Yapwile simbu ya cisika, co vanu valisambele Ciwano Cakukundika Njuvo ya Shukulu Kalunga mu Yelusalema.