2 Mizimbu 7:3 - Livulu lya Shukulu Kalunga

³ Omo vanu va Isalele vamwene tuhya tutunda mwilu, na vumpau vuje vwashulisile Njuvo ya Shukulu Kalunga, co vatsikamene asi, valemesele Njambi nakumushangala omwo vuvwa vwendi na cizemo cendi cije kucesi kutenguluka cakala ku myaka yoshe.

2 Mizimbu 7:3 Iomraidhean Croise

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

1 Mizimbu 16:34

Kandeleleni kuli Shukulu Kalunga, omwo ikeye wapwa wamuvwa, omwo cizemo cendi cije kucesi kutenguluka cakala ku myaka yoshe.

1 Mizimbu 16:41

Amo navo, kwakele Hemane, na Njendutune, na vakwavo vaje vavaangwilile kwimba nakulemesa Shukulu Kalunga a cizemo cendi cije kucesi kuhwa.

1 Mizimbu 29:20

Asinoni Ndaviti washikile vanu ngwendi, “Shangazaleni oni Shukulu Kalunga Njambi yeni!” Co mbunga yoshe yashangazalele Shukulu Kalunga Njambi ya vakukulwila vavo, co vatsikamene nakulemesa, mukwana kasingimiko kuli Shukulu Kalunga na kuli mwene lalo.

2 Mizimbu 20:18

Co Mwene Njosefati watsikamene asi, co na vanu voshe vatsikamene amo nendi nakulemesa Shukulu Kalunga.

2 Mizimbu 20:21

Omo mwene wakele nakwendeka na vanu, washikile vaka-kwimba vazale vikoveyo vyakujela, co vatwame kulutwe lwa nzita, nakwimba ngwavo, “Shangazaleni Shukulu Kalunga! Omwo cizemo cendi cakala ku myaka yoshe!”

2 Mizimbu 29:28

Vanu voshe vakungulukilile kuje vakele amo nakulemesa, co vaka-kwimba vakele nakwimba visanzi noo vin̄ombelo vya kwenyeka vyahwile.

2 Mizimbu 29:29

Asinoni Mwene Hezekiya na vanu voshe vatsikamene a mavuli nakulemesa Njambi.

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Ezela 3:11

Vembile nakushangazala Shukulu Kalunga, nakumukandelela ngwavo, “Shukulu Kalunga wapwa wamuvwa, cizemo cendi kuli Isalele capwa ca ku myaka yoshe.” Munu na munu watambekele manene na nzili yendi yoshe, mukushangazala Shukulu Kalunga, omwo vipangi vyakwinda luvula lwa Njuvo ya Shukulu Kalunga vyashangumukile.

Myaso 100:5

Omwo Shukulu Kalunga wapwa wamuvwa, na cizemo cendi cije kucesi kutenguluka cakala ku myaka yoshe, na kulongwa kwendi lalo kwakala ku myaka yoshe.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 106:1

Shangazaleni Shukulu Kalunga! Kandeleleni kuli Shukulu Kalunga, omwo ikeye wapwa wamuvwa, cizemo cendi cije kucesi kutenguluka cakala ku myaka yoshe.

Myaso 107:1

“Kandeleleni kuli Shukulu Kalunga, omwo ikeye wamuvwa, cizemo cendi cije kucesi kutenguluka cakala ku myaka yoshe!”

Myaso 118:1

Kandeleleni kuli Shukulu Kalunga, omwo ikeye wapwa wamuvwa, na cizemo cendi cije kucesi kutenguluka, cakala ku myaka yoshe.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Kutuuka 4:31

Co vanu vakulaelele, omo vazivile ngeci Shukulu Kalunga nezile kuli vakevo nakumona tuyando twavo muvalina kuvapangesela na muuka, co vatsikamene a mavuli nakulemesa.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Kulava 14:5

Asinoni Mosesa na Alone vakulamene asi ku mesho a mbunga yoshe ya vanu va Isalele vaje vakungulukilile kuje.

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.