2 Mizimbu 7:2 - Livulu lya Shukulu Kalunga

² Omwo Njuvo yashulile na vumpau vwa Shukulu Kalunga, co vaka-kukombelela kuvasele kukovelamo.

2 Mizimbu 7:2 Iomraidhean Croise

1 Vimyene 8:10

Omo vaka-kukombelela vatundile mu Njuvo ya Shukulu Kalunga, co lishelwa lyakuvyakuma lyashulisile mu Njuvo ya Shukulu Kalunga,

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

2 Mizimbu 5:14

omwo vumpau vwa Shukulu Kalunga vwashulisile Njuvo ya Shukulu Kalunga.

Myaso 26:8

Njizema Njuvo yove muje muwakala yove Shukulu Kalunga, mu mwela muje mwakala vumpau vwove.

Kutuuka 24:17

Kuli vaIsalele vumpau vwa Shukulu Kalunga vwasholokele ngwe tuhya tulinakushukuma akamwa ya Munkinda wa Sinai.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Kujombolola 15:8

Co Njuvo ya Shukulu Kalunga yashululile na vwisi vwakutunda ku vumpau na nzili ya Njambi, co naumo wai wasele kukovela mu Njuvo ya Shukulu Kalunga kuvanga noo tuyando tutanu na tuvali tuje vanenele vaje tungelo vatanu na vavali twawile.