2 Mizimbu 7:17 - Livulu lya Shukulu Kalunga

¹⁷ Nga ukanjipangela mwamuvwa na kulongwa ngwe mwalingile isho Ndaviti, nga wononoka mashiko ange nakulinga vyuma vyoshe vije njakushiki,

2 Mizimbu 7:17 Iomraidhean Croise

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

1 Vimyene 2:3

linga vije vyakushika Shukulu Kalunga Njambi yove. Enda mu vingila vyendi nakunyunga vizilika vyendi, na mashiko endi, na vilongesa vyendi, na vukaleo vwendi ngwe muvavisoneka mu Lishiko lya Mosesa, ngeci ukavezike mu vyoshe viwukalinga kwoshe kuukaya.

1 Vimyene 3:14

Co nga ukanjononoka nakunyunga mashiko ange nakushika kwange, ngwe mwalingile isho Ndaviti, co njikatumisa matangwa akuyoya kwove.”

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

2 Mizimbu 7:16

omwo njinaangula Njuvo eyi nakuyijelesa kupwa mwela uvakanjilemesela ku myaka yoshe. Njikainyunga nakuyivwaesa simbu yoshe.

2 Mizimbu 7:18

co njikanyunga cikulaeso cange cije njalingile na isho Ndaviti, omo njamulekele ngwange vatekulwila vendi vakevo vakashwana Isalele simbu yoshe.

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 119:5

Yange kunjishaka kuseza vilongesa vyove!

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Yowano 14:21

“Woshe uje atambula mashiko ange nakuwononoka ikeye uje anjizema. Co Tate akazema woshe uje anjizema, nange lalo njikamuzema nakulisholola kuli ikeye.”

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Kwituluka mu Mashiko 4:40

Ngecivene, ononokeni mashiko endi oshe aje anjinamyana ku litangwa lya lelo, ngeci mukamone vyavivwa, yeni na vatekulwila veni. Co mukakala simbu yoshe mu lifuti lije lyakamyana Shukulu Kalunga Njambi yeni kupwa vushwana vweni ku myaka yoshe.”