2 Mizimbu 7:10 - Livulu lya Shukulu Kalunga

¹⁰ co a litangwa lyamumakumi avali na atatu ku ngonde yamucitanu na vivali, Solomoni washikile vanu veluke ku membo avo. Co voshe vamushangazalele a vivezikiso vyoshe vije vyaanene Shukulu Kalunga kuli vanu vendi va Isalele, na kuli Ndaviti, na kuli Solomoni.

2 Mizimbu 7:10 Iomraidhean Croise

1 Vimyene 8:66

A litangwa lyamucitanu na atatu, Solomoni washikile vanu kuya ku membo avo. Co voshe vamushangazalele, co velukile ku membo avo nakujolela omwo vivezikiso vyoshe vije vyaanene Shukulu Kalunga kuli ngamba yendi Ndaviti na kuli vanu vendi va Isalele.

2 Mizimbu 29:36

Co Mwene Hezekiya amo na vanu vavwaelelele, omwo Njambi wavakwasele kulinga vyoshe evi mu vwasi.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 6:41

Ngecivene, ololo katuka, Shukulu Kalunga Njambi, amo na Cikasa ca Cikumiiyo, cikeco cimweso ca nzili yove, kovela mu Njuvo yove ukalemo myaka yoshe. Vezikisa vaka-kukombelela vove mu vyoshe vivalinga, co vanu vove voshe vajolele mu ngozi yove.

2 Mizimbu 7:11

Omo Mwene Solomoni wamanesele kutunga Njuvo ya Shukulu Kalunga, na lipela, na vyuma vyoshe vyeka vije vyashakele kutunga,

2 Mizimbu 7:9

Co vamanesele matangwa atanu na avali akukundika mutula na matangwa akwavo lalo atanu na avali a ciwano. Co a litangwa lyakumanesela, vamanesele ciwano,

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Myaso 100:2

Lemeseni Shukulu Kalunga nakujolela, ijeni kuli ikeye nakwimba myaso yakuvwaelela.

Myaso 105:3

Vwaeleleni mu lizina lyendi lyakujela, vimbunge vya vaje vashakezeka Shukulu Kalunga vijolele.

Myaso 106:5

Nange lalo njivezike amo na vanu vove, vaje vaunaangula ngeci njivwaelele amo navo, vavwaelela omwo vakevo vapwa vanu vove.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 92:4

Unanjivwaelelesa omwo vilinga vyove yove Shukulu Kalunga, co njiimba nakujolela a vyuma vije unapanga na mavoko ove.

Kutuuka 18:1

Yetolo ishemweno ya Mosesa, wapwile muka-kukombelela wa ku Mindyani, wazivile vyuma vyoshe vije Njambi vyalingile kuli Mosesa na kuli vanu va Isalele omo wavatundisile mu Ingito.

Ezekiyele 45:25

“A Ciwano ca Mapapela, cije cikashangumuka a litangwa lyamulikumi na atanu ku ngonde yamucitanu na vivali, mwene akakombelela ku litangwa na litangwa a matangwa atanu na avali, n̄ombelo yakulifwa ya a vuvi, na vin̄ombelo vyakulifwa vya kwenyeka vyoshe vyamutunu, na vin̄ombelo vyakulifwa vya vimbuto, na mazi a olive.”

Vilinga vya Miluwa 16:34

Asinoni watwalele Paulu na Silasi ku njuvo yendi, co wakavaanene vyakulya. Co ikeye na naanga yendi vavwaelele manene, omwo ololo vanapu vaka-kukulaela kuli Njambi.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 12:18

Oloni evi mukavilila ku mesho a Shukulu Kalunga Njambi yeni, ku mwela uje wakaangula Shukulu Kalunga Njambi yeni kumulemesela, yeni na vana veni va vanalume, na ava va vanakazi, na vangamba veni va vanalume na ava va vanakazi, na vaLevi vaje valinakuyoyela mu vinganda vyeni. Co mukajolela ku mesho a Shukulu Kalunga Njambi yeni a vyuma vyoshe vije vimukalinga.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kwituluka mu Mashiko 16:14

Mukajolela a ciwano ceni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi, na vaka-kwija, na visiwa, na vifwile vaje valinakukala akati keni.

Filipu 4:4

Joleleni muli Mwene simbu yoshe, njicendekamo lalo ngwange, joleleni!