2 Mizimbu 6:6 - Livulu lya Shukulu Kalunga

⁶ Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

2 Mizimbu 6:6 Iomraidhean Croise

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

1 Mizimbu 17:5

Kutunda a simbu ije omo njapatwile vanu va Isalele ku Ingito kweta na lelo lino, nalumo lwai njinakala mu njuvo, oloni njinakala lika mu vimbalaka, co njinakala na kununguluka kutunda ku mwela umo na kuya ku mwela ukwavo.

1 Mizimbu 17:7

“Ngecivene, leka ngamba yange Ndaviti ngwove, yange Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

1 Mizimbu 28:4

Shukulu Kalunga, Njambi ya Isalele, wanjangwile yange na vatekulwila vange kushwana Isalele ku myaka yoshe. Co ikeye waangwile muyati wa Yunda kupwa vantwama, muli Yunda lalo waangwilemo muyati wa tate. Co mu naanga eyi yoshe camuvwaesele ku mbunge kwangula yange, nakunjipwisa mwene wa Isalele yoshe.

2 Mizimbu 12:13

Lehovowame washwanene mu Yelusalema, co vumwene vwendi vwakolele manene. Wakele na myaka makumi awana na mwaka umo omo wapwile mwene, washwanene myaka likumi na itanu na ivali mu Yelusalema, nganda yaangwile Shukulu Kalunga akati ka mafuti oshe a Isalele kupwa mwela wakumulemesela. Lizina lya vaina ya Lehovowame lyapwile Nama wa ku lifuti lya Amoni.

2 Mizimbu 20:8

Vakevo vanakala mu lifuti lino, co vanatungu Njuvo nakukusingimika,

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 33:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi kukekwo kuvakamulemesela myaka yoshe.

2 Mizimbu 6:20

Nyunga eyi Njuvo mutanya na vutsiki. Yove wakulaesele ngeci, ou ukewo mwela uunaangula wakukulemesela, ngecivene, njizive omo njikenga ku Njuvo eyi nakulombela.

2 Mizimbu 6:5

‘Tunde a litangwa lije njatundisile vanu vange mu Ingito, kunjangwile nganda imo mu lifuti lyoshe lya Isalele ngeci vase kutungilamo Njuvo mwakunjilemesela, co kunjangwile munu umo ngeci atwamenene vanu vange va Isalele embwe.

2 Mizimbu 7:16

omwo njinaangula Njuvo eyi nakuyijelesa kupwa mwela uvakanjilemesela ku myaka yoshe. Njikainyunga nakuyivwaesa simbu yoshe.

Ezela 7:16

Co lalo unapande kwambata siliva na ngolinde yoshe ije imunalambula mu lifuti lya Mbambilone na milambu ije ivakana vanu va Isalele na vaka-kukombelela vavo ku Njuvo ya Shukulu Kalunga Njambi yavo mu Yelusalema.

Myaso 122:2

Ololo tuli kuno, tunemana mu vikolo vya Yelusalema!

Myaso 132:13

Shukulu Kalunga naangula Siyone kupwa limbo lyendi.

Myaso 48:1

Shukulu Kalunga ikeye wakama, vanapande kumushangazala manene, mu nganda ya Njambi yetu, a lilundu lyendi lyakujela.

Kutuuka 20:24

Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Zakaliya 2:12

Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”