2 Mizimbu 6:27 - Livulu lya Shukulu Kalunga

²⁷ yove Shukulu Kalunga, vatolilile omo mwilu muwakala, sambesa vivi vya vangamba vove vanu va Isalele, valongese kulinga vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

2 Mizimbu 6:27 Iomraidhean Croise

2 Mizimbu 7:14

nga vanu vange vaje vanaliluku lizina lyange vakalikeesa, nakulombela, nakushakezeka cizango cange nakutenguluka ku vingila vyavo vya vuvi, co njikavaziva oku njili mwilu, njikavasambesa ku vuvi vyavo, co lifuti lyavo likakala mwamuvwa.

Myaso 119:33

Shukulu Kalunga njilongese kukavangeya mashiko ove, co njikaanyunga simbu yoshe.

Myaso 25:12

Vaje vakomoka Shukulu Kalunga vakavalongesa ngila ije ivanapande kwendelamo.

Myaso 25:8

Omwo Shukulu Kalunga wapwa wa vushunga na vuvwa, akalongesa vaka-vuvi ngila ivanapande kwendelamo.

Myaso 68:9

Wanyokesele nyonzi yaingi manene, ije yakolesele livu lyakukushungukwa

Myaso 94:12

Navezika munu uje iwulongesa yove Shukulu Kalunga, munu uje iwulongesa lishiko lyove.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 42:3

Lombela ngeci Shukulu Kalunga Njambi yetu, atumwese ngila itunapande kuya, na vije vitunapande kulinga.”

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 34:26

“Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.

Yowano 6:45

Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.