2 Mizimbu 6:14 - Livulu lya Shukulu Kalunga

¹⁴ Walombelele ngwendi, “Shukulu Kalunga Njambi ya Isalele, kukwesi Njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

2 Mizimbu 6:14 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Kushangumuka 35:10

Njambi wendekele kuli ikeye ngwendi, “Lizina lyove Yakomba, oloni kutunda ku lelo nakutwala kulutwe likapwa Isalele.” Ngecivene, Njambi wamulukile Isalele.

Kushangumuka 5:24

Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.

2 Samwele 7:22

Ngecivene, vukama vwove, yove Shukulu Kalunga wa Akamwa ya Vyoshe, vwalifwa neyajo? Kukwesi weka wakufwa ngwe yove waiko, simbu yoshe twazivuka ngeci yove lika wapwa u Njambi.

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

1 Vimyene 6:12

“Nga wenda mu vizilika vyange, nakwononoka vilongesa vyange, nakunyunga mashiko ange, co njikakulingila vije njakulaesele isho Ndaviti.

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

1 Mizimbu 29:10

Co aje vene, kulutwe lwa mbunga yoshe, Mwene Ndaviti washangazalele Shukulu Kalunga, wendekele ngwendi, “Shukulu Kalunga Njambi ya kukulwila yetu Yakomba, vakushangazale ku myaka yoshe!

1 Mizimbu 29:20

Asinoni Ndaviti washikile vanu ngwendi, “Shangazaleni oni Shukulu Kalunga Njambi yeni!” Co mbunga yoshe yashangazalele Shukulu Kalunga Njambi ya vakukulwila vavo, co vatsikamene nakulemesa, mukwana kasingimiko kuli Shukulu Kalunga na kuli mwene lalo.

2 Mizimbu 20:6

walombelele na lijwi lyakama ngwendi, “Yove Shukulu Kalunga Njambi ya vakukulwila vetu, yove washwana mwilu na mafuti oshe a mu kaye. Yove wakala na nzili, naumo wai asa kukuyeluwisa.

2 Mizimbu 6:17

Ngecivene, ololo, Shukulu Kalunga Njambi ya Isalele, tava vyuma vyoshe vipwe vyakushungama ngwe muwakulaesele ngamba yove Ndaviti.

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Myaso 89:28

Cizemo cange cije kucesi kutenguluka cikakala nendi ku myaka yoshe, cikumiiyo cange cikapwa cakukola kuli ikeye.

Myaso 89:6

Shukulu Kalunga naumo wai ali mwilu wakulifwa nove, naumo wai wa vana va vinjambi wakupwa amo nove.

Myaso 89:8

Shukulu Kalunga Njambi Muka-nzili yoshe, iyajo walifwa nove? Yove Shukulu Kalunga mu vyuma vyoshe yove wapwa wa kulongwa.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Kutuuka 8:6

Ngecivene, Alone wolwele mulamu akamwa ya mema oshe, co mambotwe vatuukile nakushulisa mu lifuti lya Ingito mwoshe.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 10:6

Shukulu Kalunga, kukwesi weka wakulifwa nove wai, u Muka-nzili, lizina lyove lyapwa lyakama lya nzili.

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

1 Tesalonika 2:12

Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.