2 Mizimbu 6:13 - Livulu lya Shukulu Kalunga

¹³ (Solomoni watungile mutula wa vunengu wawakele mukati ka cipango. Wapwile mamita 2.2 mu vwihi, na mamita 1.3 mu vulaja. Co walondele aje a mutula, watsikamene kuje vanu voshe vasele kumumona, wolwele mavoko endi mwilu.)

2 Mizimbu 6:13 Iomraidhean Croise

1 Vimyene 6:36

Cipango ca mukati vacitungilile kulutwe lwa Njuvo ya Shukulu Kalunga, vacishokele na vivumbe vya mamanya akushonga vije vyakele na mukana umo wa mikambo ya kendale ku mukana umo na umo waije mikana itatu.

1 Vimyene 7:12

Cipango ca ku lipela, na cipango ca mukati ka Njuvo ya Shukulu Kalunga, vavishokele na vivumbe vya mamanya akushonga vije vyakele na mukana wa mikambo ya kendale ku mukana umo na umo waije mikana itatu.

1 Vimyene 8:54

Omo Solomoni wamanesele kulombela kuli Shukulu Kalunga, wemanene kulutwe lwa mutula, watsikamene a mavuli oku najundwila mavoko endi mwilu.

2 Mizimbu 4:9

Watungile cipango cakama ca vaka-kukombelela, na cipango cakama, na mapito a ku vipango, waafwikile na vunengu.

2 Mizimbu 6:12

Asinoni Solomoni wemanene kulutwe lwa mutula ku mesho a vanu voshe, co wolwele mavoko endi mwilu, co walombelele.

Ezela 9:5

Omo simbu yetele yakukombelela ku cingwezi, co njakatukile aje njatumbamene, anga njazalela vuzalo vwange vwakutavozoka, co njatsikamene a mavuli nakulombela, njolwele mavoko ange kuli Shukulu Kalunga Njambi yange.

Nehemiya 1:4

Omo njazivile vyoshe evi, njatumbamene asi nakulila. Njalilile matangwa amangi kujeneka kulya. Co njalombelele kuli Njambi ngwange,

Nehemiya 8:4

Ezela wemanene a vutenda vwa viti vuje vuvatungilile cipangi eci. Co vanalume vemanene ku livoko lyendi lya cilyo vapwile, Matitiya, na Shema, na Anaya, na Uliya, na Hilikiya, na Maseya, co vaje lalo vemanene ku livoko lyendi lya cimoshwe vapwile, Pendaya, na Mishaele, na Malekiya, na Hashume, na Hashevandana, na Zekaliya, na Meshulame.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Kutuuka 9:29

Co Mosesa wendekele kuli ikeye ngwendi, “Omo yange njicituuka lika muno mu nganda, njikajundula mavoko ange nakulomba kuli Shukulu Kalunga. Co cililimo cikalikela, nyonzi ya mamanya kuyikanyoko lalo, ngecivene, ukazivuke ngwove kuma kaye kapwa ka Shukulu Kalunga.

Ndanyele 6:10

Omo Ndanyele wanangukile ngeci lije lishiko mwene nalitava nendi nasonekako, co waile ku njuvo yendi. Co vinjanena vya ku mulili wendi wa akamwa vyakengesele ku Yelusalema. Co watsikamene ku vinjanena vyakushokolola nakulombela kuli Njambi yendi ngwe mwakele nakulinga-linga matangwa oshe.

Luka 22:41

Co wavashondolokele kamandondo watsikamene, co walombelele,

Vilinga vya Miluwa 20:36

Co omo Paulu wamanesele kwendeka, watsikamene a mavuli amo navo walombelele.

Vilinga vya Miluwa 21:5

Oloni omo simbu yetu yakukala navo yahwile, twakatukile twaile vungenzi vwetu. Co vakevo voshe, amo na vanakazi vavo na vanike, vatusindikiiye kututuwisa mu nganda nakuya ku kenge ya mema a kalunga kuje tuvavoshe twakatsikamene nakulombela.