2 Mizimbu 6:12 - Livulu lya Shukulu Kalunga

¹² Asinoni Solomoni wemanene kulutwe lwa mutula ku mesho a vanu voshe, co wolwele mavoko endi mwilu, co walombelele.

2 Mizimbu 6:12 Iomraidhean Croise

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

2 Mizimbu 6:11

Co lalo njinavwaesa mwela mu Njuvo ya Shukulu Kalunga wa Cikasa ca Cikumiiyo muje muli vitale vya mamanya vya cikumiiyo cije calikumiiye Shukulu Kalunga na vanu va Isalele.”

2 Mizimbu 6:13

(Solomoni watungile mutula wa vunengu wawakele mukati ka cipango. Wapwile mamita 2.2 mu vwihi, na mamita 1.3 mu vulaja. Co walondele aje a mutula, watsikamene kuje vanu voshe vasele kumumona, wolwele mavoko endi mwilu.)

Yombi 11:13

“Yombi, kundika mbunge yove kuli Njambi. Co olwela mavoko ove kuli ikeye.

Myaso 141:2

Lilombelo lyange lipwe ngwe insense ku mesho ove, tambula majwi ange anjilombela ngwe muukatambula n̄ombelo ya cingwenzi.

Myaso 143:6

Njolwela mavoko ange kuli yove mukulombela, omwo mwonyo wange ukuzivila lihwila, ngwe lifuti lyakuminina livandamena nyonzi.

Myaso 28:2

Njitolilile omo njitambeka kuli yove ngeci unjikwase, omo njolola mavoko ange ku Njuvo yove yakujela.

Myaso 63:4

Njikakushangazala simbu yoshe yakuyoya kwange, njikajundula mavoko ange nakulombela kuli yove.

Myaso 68:31

Vaka-kwimanena mafuti vakatunda ku Ingito, co vaka-Sundane vakajundula mavoko avo nakulombela kuli yove Njambi.

Kutuuka 9:33

Asinoni Mosesa wasezele mwene, watuukile mu nganda, wajundwile mavoko endi mukulombela kuli Shukulu Kalunga. Co cililimo, na nyonzi ya mamanya, vyoshe vyalikelele, co nyonzi kuyanyokele.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.