2 Mizimbu 5:2 - Livulu lya Shukulu Kalunga

² Asinoni Mwene Solomoni wasanene vantwama voshe va miyati na vikota vya Isalele vaije kuli ikeye ku Yelusalema ngeci vakashake Cikasa ca Cikumiiyo ca Shukulu Kalunga ku Siyone, Nganda ya Ndaviti, ngeci vacinene ku Njuvo ya Shukulu Kalunga.

2 Mizimbu 5:2 Iomraidhean Croise

2 Samwele 5:7

(Nameme ngoco Ndaviti wafungulwile cimpaka cavo cakukola ca Siyone, ivatumbwile ngwavo “Nganda ya Ndaviti.”)

2 Samwele 6:12

Mwene Ndaviti wazivile ngwavo, “Shukulu Kalunga navezikisa Ovende Endome na naanga yendi na vyoshe vije vyali navyo omwo ya Cikasa ca Cikumiiyo.” Ngecivene, Ndaviti waile wakashakele Cikasa ca Cikumiiyo ku njuvo ya Ovende Endome wacitwalele ku Yelusalema nakuvwaelela manene.

1 Mizimbu 15:1

Ndaviti watungile vinjuvo vyendi mu Nganda ya Ndaviti. Wavwaesele lalo mwela wa Cikasa ca Cikumiiyo ca Njambi, co wacishimbikilile mbalaka.

1 Mizimbu 15:12

Co wendekele kuli vaLevi ngwendi, “Yeni munapu mu vantwama va cikota ca vaLevi. Lijeleseni yeni vavenya nakujelesa lalo vakweni vaLevi, ngeci mukashake Cikasa ca Cikumiiyo ca Shukulu Kalunga Njambi ya Isalele nakucinena ku mwela kuje kunjacivwaesela.

1 Mizimbu 15:25

Ngecivene, Mwene Ndaviti, na vantwama vaIsalele, na vaka-kushika mashwalale vaile ku njuvo ya Ovende Endome nakukashaka Cikasa ca Cikumiiyo, vavwaelelele manene.

1 Mizimbu 15:3

Ngecivene, Ndaviti wakungulwile vanu va Isalele voshe ku Yelusalema ngeci vanene Cikasa ca Cikumiiyo nakucaka ku mwela uje wacivwaeselele.

1 Mizimbu 16:1

Co vatwalele Cikasa ca Cikumiiyo mu mbalaka ije yatungile Ndaviti, co vacakele mukati. Asinoni vakombelelele vin̄ombelo, na milambu ya kulitombola kuli Njambi.

1 Mizimbu 24:31

Navo lalo vakulunu va mu naanga, vatele n̄ela ngwe muvalingile vandolome vavo vaka-kukombelela vakutunda kuli Alone. Mwene Ndaviti, na Zandoke, na Ahimeleke, na vakulunu va mu naanga ya vaka-kukombelela, na vaLevi vapwile vakaleo.

1 Mizimbu 24:6

Co vatekulwila va Elyazale, na Itamale, vakele nakulyakula akuta n̄ela. Asinoni vavasonekele kuli muka-kusoneka Shemaya muna Netanela kaLevi. Co mwene, na vamyata vendi, na Zandoke muka-kukombelela, na Ahimeleke muna Aviyatale, na vakulunu va naanga ya vaka-kukombelela na naanga ya vaLevi, voshe vapwile vakaleo.

1 Mizimbu 26:26

Shelomiti na vanu va mu naanga yendi vakele nakunyunga vwana vwoshe vuje vwakundikile kuli Njambi Mwene Ndaviti, na vakulunu va mu naanga, na vantwama va vimbunga vya mu vikota, na vamyata va nzita.

1 Mizimbu 28:1

Mwene Ndaviti washikile vamyata va mu Isalele voshe kukungulukila mu Yelusalema. Ngecivene, vamyata voshe va miyati, na vamyata vaka-kwendesa vipangi vya vumwene, na vantwama va vikota, na vaka-kunyunga vufuko, na vimuna vaje vafukile mwene na vana vendi, na vamyata voshe va mu lipela, na vantwama va mashwalale, na vanu va vulemu, vakungulukile mu Yelusalema.

2 Mizimbu 1:4

(Nameme ngoco, Cikasa ca Cikumiiyo cakele mu Yelusalema, vacitulikilile mu mbalaka ije yemikile Mwene Ndaviti omo wakacishakele ku Kilyate Njelime.)

2 Mizimbu 5:1

Omo Mwene Solomoni wamanesele vipangi vyoshe vya Njuvo ya Shukulu Kalunga, co wakovelesele vyuma vyoshe vije vyakundikile ishe Ndaviti kuli Shukulu Kalunga, siliva, na ngolinde, na vyuma vyeka, co wavyakele mu mulili yakutulikila mu Njuvo ya Shukulu Kalunga.

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

Myaso 2:6

“Njinaka mwene yange a Siyone, lilundu lyange lyakujela.”

Myaso 87:2

Shukulu Kalunga wazema nganda ya Yelusalema, kutuvakana mitambela yoshe ya mu Isalele.

VaLevi 9:5

Co vatwalele vyuma vyoshe vije Mosesa wavishikile kulutwe lwa Mbalaka, mbunga yoshe vakungulukilile kuje nakulemesa Shukulu Kalunga.

Kulava 10:33

Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 10:36

Co oshe aje acemanene Cikasa, co Mosesa wendekele ngwendi, “Iluka, yove Shukulu Kalunga ku vinaanga 1,000 vya Isalele”