2 Mizimbu 4:6 - Livulu lya Shukulu Kalunga

⁶ Co ikeye lalo wapangele vimbashiya likumi, vitanu vavyakele ku mutambela wa mu mbwela wa ku Njuvo ya Shukulu Kalunga, vitanu lalo vavyakele ku mutambela wa ku kunto. Vikevyo vyapwile vyakukushungwila vilyo vya vimuna vaje vavakele nakwenyeka mukukombelela vin̄ombelo. Co aje mema akele mu lizau lyakama apwile akujwela vaka-kukombelela.

2 Mizimbu 4:6 Iomraidhean Croise

1 Vimyene 7:38

Co Hulame lalo walingile vimbashiya likumi, imo na imo ku litemba. Mbashiya imo na imo yapwile mamita 1.8, co yakele nakushula na mema a kupwa malita 800.

1 Vimyene 7:40

Hulame lalo washongele vindeo, na vifwosholo, na malonga. Co wamanesele vipangi vyendi vyoshe vya Mwene Solomoni vya mu Njuvo ya Shukulu Kalunga.

2 Mizimbu 4:2

Co watungile lalo lizau lya mema lya vunengu, lyamuzinguluke lyakupwa mamita 2.2 mu kulova, na mamita 4.4 kutunda kumukulo umo kweta kumukulo ukwavo, lyoshe lyapwile lyamuvundungulu, vukama vwalyo vwapwile mamita 13.2.

Myaso 51:2

Njijwelese ku vuvi vwange, na ku kupenga-penga kwange!

Kutuuka 29:4

“Co nena Alone na vana vendi ku cikolo ca Mbalaka Mwakuliwanena, co vajwelese.

Kutuuka 30:17

Shukulu Kalunga wendekele kuli Mosesa ngwendi,

Ezekiyele 40:38

Muje mu cipango ca mbanja ya anja kwakele mulili wakele kuyehi na cikolo ca mukati ku mutambela wa ku kunto. Cikolo eci cakovelele mu mulili wakama uje wakengesele ku cipango ca mbanja kuje kuvakele nakukushila tusitu va n̄ombelo ya kwenyeka.

VaLevi 1:13

Uje munu napande kukusha vya mwimo vyoshe, na mapondo a kunima, co muka-kukombelela akanena ije n̄ombelo kuli Shukulu Kalunga nakuyenyekela yoshe a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:9

Uje munu napande kukusha vya mwimo na mapondo a kunima, co muka-kukombelela akenyekela n̄ombelo yoshe yamutunu a mutula kupwa n̄ombelo ya kwenyeka, co vweko vwa mulambu ou wa vyakulya vukavwaelelesa Shukulu Kalunga.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

VaHevelu 9:23

Vyuma evi vinapu kutembunwina kwa vyuma vya mu lifuti lya mwilu, co vanavijelesa mu ngila eyi vene. Oloni ku vyuma vya mwilu kuvanga vavijelese na n̄ombelo yaivwa.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.