2 Mizimbu 4:19 - Livulu lya Shukulu Kalunga

¹⁹ Mwene Solomoni wapangele lalo vivala vya ngolinde vya mu Njuvo ya Shukulu Kalunga, mutula, na vimesa vya makende akukombelela kuli Njambi,

2 Mizimbu 4:19 Iomraidhean Croise

2 Vimyene 24:13

co wambatele vufuko vwoshe vwakele mu Njuvo ya Shukulu Kalunga na mu lipela, wavutwalele ku Mbambilone ngwe muje mwendekele Shukulu Kalunga, Nevukaneza watsiile vivala vyoshe vya ngolinde vije vyapangele Mwene Solomoni ngeci vavipangese mu Njuvo ya Shukulu Kalunga.

1 Mizimbu 28:16

na vimesa vya siliva, na a mesa ya ngolinde imo na imo, aje avakele nakwaka mikasha ya makende akukombelela kuli Njambi.

2 Mizimbu 2:3

Co Solomoni watumine lijwi kuli Mwene Hilame wa ku Tile ngwendi, “Njikwase ngwe muwakwasele tate, Mwene Ndaviti, omo wamulandesele viti vya kendale vyakutungisa lipela lyendi.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

2 Mizimbu 36:18

Co Mwene wa Mbambilone wapukwile Njuvo ya Shukulu Kalunga, na vufuko vwamwo, na vufuko vwa mwene na vamyata vendi, watwalele vyuma vyoshe ku Mbambilone.

2 Mizimbu 4:8

Co wapangele lalo vimesa likumi, wavyakele mu Njuvo ya Shukulu Kalunga, vitanu ku cilyo, vitanu ku cimoshwe. Co wapangele malonga a ngolinde akupwa 100.

Njelemiya 28:3

Mu myaka ivali lika njikelwisa vufuko vwoshe vwa mu Njuvo yange ku mwela uno vuje vwatwalele Mwene Nevukaneza ku Mbambilone.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Mateo 12:4

Wakovelele mu Njuvo ya Shukulu Kalunga, co ikeye na vanu vendi valile aje makende avakombelelele kuli Njambi, nameme kuwapandele kuwalya kuvanga vaka-kukombelela lika.

Kujombolola 8:3

Co kangelo mukwavo, uje wakele na lilonga lyakwenyekela insense, wezile nakwimana ku mutula. Vamwanene insense yaingi ngeci awezeleleko ku malombelo a vanu va Njambi voshe nakuwalambula a mutula wa ngolinde uje unemana kulutwe lwa litanda.

Kujombolola 9:13

Asinoni kangelo wamucitanu na umo wembile lupembo lwendi. Co njazivile lijwi lyakutunda ku vimbango viwana vya mutula wa ngolinde unemana ku mesho a Njambi.