2 Mizimbu 4:18 - Livulu lya Shukulu Kalunga

¹⁸ Ngecivene, valingile vyuma vyavingi vije naumo wai wasele kulava vulemu vwa vunengu vuje vapangesele.

2 Mizimbu 4:18 Iomraidhean Croise

1 Vimyene 7:47

Solomoni kasele kupeselesa vivala vyoshe vije vya vunengu a cipeseleso, omwo vyapwile vyavingi manene, co vulemu vwavyo kuvavuzivukile.

1 Mizimbu 22:14

Ngwe a Njuvo, akuundangana kwange njinakungulula ngolinde yakupwa 3,400, na siliva yakupwa 34,000 vyakupangesa akuyitunga. Kuwezelela ku vyuma vyoshe evi, kuli lalo vunengu, na vutale vwavungi manene. Co lalo njinavwaesela cimweja mavaya na mamanya, oloni unapande kuwezelelako lalo.

1 Mizimbu 22:3

Co wanenele vutale vwavungi ngeci vafule vimbambo vya ku mapito a ku vikolo, na vikuvo vyakunungilisa, na vunengu lalo vwavungi vuje naumo wai wasele kuvupeselesa.

2 Mizimbu 4:17

Vyoshe evi mwene wavifulilile mu lutengo lwa mukati ka Sukote na Zelenda mu Cana ca Yondau.

Njelemiya 52:20

Vivala vya vunengu vije vyalingile Mwene Solomoni vya mu Njuvo ya Shukulu Kalunga, vimanda vivali, na matemba, na lizau lyakama, na vingombe likumi na vavali aje lyemanenene, vyapwile vyakulema manene kuvasele kuvipeselesa.