2 Mizimbu 36:5 - Livulu lya Shukulu Kalunga

⁵ Yehoyakime wapwile Mwene wa mu Yunda omo wakele na myaka makumi avali na myaka itanu, co washwanene mu Yelusalema myaka likumi na umo. Walingile vuvi ku mesho a Shukulu Kalunga Njambi yendi.

2 Mizimbu 36:5 Iomraidhean Croise

Njelemiya 1:3

Shukulu Kalunga wendekele lalo kuli Njelemiya omo Yehoyakime muna Yosiya wapwile mwene. Munima yevi, Shukulu Kalunga wendekele kuli Njelemiya visimbu vyavingi, noo mu mwaka wamulikumi na umo mu ngonde yamucitanu omo Zendekiya muna Yosiya wapwile mwene. Ije ikeyo simbu omo vanu va mu Yelusalema vavatwalele mu vunzinda.

Njelemiya 26:1

Omo Yehoyakime muna Yosiya washangumukile kupwa mwene wa mu Yunda,

Njelemiya 35:1

Omo Yehoyakime muna Yosiya wapwile mwene wa mu Yunda, co Shukulu Kalunga wendekele kuli yange ngwendi,

Njelemiya 36:1

Mu mwaka wamuciwana omo Yehoyakime muna Yosiya wapwile mwene wa mu Yunda, Shukulu Kalunga wendekele kuli yange ngwendi,

Njelemiya 45:1

Mu mwaka wamuciwana uje Yehoyakime muna Yosiya wapwile mwene wa mu Yunda, Mbaluke wasonekele vije vinjendekele kuli ikeye. Asinoni njamulekele ngwange

Ndanyele 1:1

Mu mwaka wamucitatu omo Yehoyakime wapwile mwene wa mu Yunda, Mwene Nevukaneza wa Mbambilone walwisile Yelusalema nakuzengeleka nganda.

Ndanyele 1:2

Shukulu Kalunga watavele Nevukaneza ngeci afungulule Mwene Yehoyakime nakwambata vivala vimo vya mu Njuvo ya Shukulu Kalunga. Co omo Nevukaneza welukile ku Mbambilone, wakaakele vije vivala vyakafungulwile mu mulili wakutulikila wa mu njuvo ya njambi yendi.