2 Mizimbu 36:19 - Livulu lya Shukulu Kalunga

¹⁹ Wenyekele Njuvo ya Shukulu Kalunga, amolika na nganda, na mapela amwo oshe, na vufuko vyamwo, co wasiwile civumbe ca nganda.

2 Mizimbu 36:19 Iomraidhean Croise

1 Vimyene 9:8

Co eyi Njuvo ikemuka mutumbo wangoco, co munu woshe aketilako akalisimoka nakulikomokela, co akehula ngwendi, ‘Omwo vikajo Shukulu Kalunga nalingi eci ku lifuti lino na ku Njuvo eyi?’

2 Mizimbu 34:24

ngeci Shukulu Kalunga nendeka majwi awa ngwendi, “Njikanyanyamesa Yelusalema na vanu vamwo voshe, ngwe muvanasoneka mu livulu lije livanalavela mwene.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

Nehemiya 1:3

Co vanjilekele ngwavo vaje vasaleleo kuvaile ku vunzinda, vali mu lifuti lyavo, vali mu vukalu vwakama na shwamwa. Co vanjilekele ngwavo vivumbe vya Yelusalema anga vyawililile, na vikolo lalo kuvavivwaesele, tunde a simbu ije vavyenyekele.

Nehemiya 2:3

co njamukumbulwile ngwange, “Shukulu yoya ku myaka yoshe! Vikajo njijenekela kuviilila omwo ku nganda kuje kuvatsinda vakukulwila vange kunapu ku ngundu, co na vikolo vyayo vavyenyeka na tuhya?”

Myaso 79:1

Miyati yeka vanakovela mu lifuti lyove yove Njambi! Vanajwalesa Njuvo yove yakujela nakuseza Yelusalema mupulungwa.

Myaso 79:7

Omwo vanatsii vanu vove nakunyongesa lifuti lyove.

Myaso 80:16

Vitozi vetu vanautete, vanawenyeka na tuhya, vamwese vukalu vwove nakuvanyongesa!

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 21:10

Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 21:14

Oloni njikakunyanyamesa ngwe ku vilinga vyove. Njikenyeka lipela lyove, co tuhya tukenyeka vyuma vyoshe vije vyazengelekako. Yange Kalunga, njinendekamo.”

Njelemiya 32:29

nakuyenyeka. Vakayenyeka nakuyizilisa yoshe njwa, amolika na vinjuvo, kuje kuvanjiluvalesele vanu akwenyeka insense kuli Mbale a milili ya vinjuvo vyavo vya akamwa ya viluli vyakusivama, nakwitila vin̄ombelo vya vinyu kuli vinjambi veka.

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Luka 21:6

“Vyoshe evi munamono, simbu ikaija omo vitozi veni vakatundisa limanya lyoshe lya njuvo mu mutambela walyo, co vinjuvo vyoshe vikasiwuka.”