2 Mizimbu 36:17 - Livulu lya Shukulu Kalunga

¹⁷ Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

2 Mizimbu 36:17 Iomraidhean Croise

2 Mizimbu 24:21

Co Mwene Yowashe walipandakanene mu vutumbe vwakulwisa Zekaliya, a lishiko lya mwene vanu vashele mamanya Zekaliya mu cipango ca Njuvo ya Shukulu Kalunga.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 34:24

ngeci Shukulu Kalunga nendeka majwi awa ngwendi, “Njikanyanyamesa Yelusalema na vanu vamwo voshe, ngwe muvanasoneka mu livulu lije livanalavela mwene.

Ezela 5:12

Oloni omwo vakukulwila vetu valuvalesele Njambi wa mwilu, co ikeye wavanene mu mavoko a Mwene Nevukaneza wa Mbambilone, mwene wa vumwene vwa vaKalendeya. Ikeye wanyongesele Njuvo ya Shukulu Kalunga eyi, co vanu vavatwalele ku vunzinda ku Mbambilone.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Myaso 74:20

Anuka cikumiiyo cije walikumiiye netu, omwo ku mitambela yoshe ya ano asi kuli lwozi.

Myaso 79:1

Miyati yeka vanakovela mu lifuti lyove yove Njambi! Vanajwalesa Njuvo yove yakujela nakuseza Yelusalema mupulungwa.

Isaya 13:18

VaMende vakatsiya vakwenje na mata avo a lusipa. Kuvakazivila vimbututu mema ku mbunge, nambe kuzivila vanike lalo mema ku mbunge.

Isaya 43:28

co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 11:22

Ngecivene, Shukulu Kalunga Muka-nzili yoshe wendekele ngwendi, “Njikavahisa! Vakwenje vavo vakavatsiila mu nzita, co vana vavo vakalanduka ku njala.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 21:1

Mwene Zendekiya wa mu Yunda watumine Pashehule muna Malekiya kuli yange, na Zefaniya muka-kukombelela muna Maseya nakunjihula ngwendi,

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 32:28

Njikana nganda eyi kuli Mwene Nevukaneza wa Mbambilone na ku mbunga yendi ya mashwalale, vakaifungulula

Njelemiya 32:42

Nameme omo njinanena tuyando twakama ali vanu ava, oloni njikavana vyuma vyoshe vyavivwa vije vinjavakulaesele.

Njelemiya 40:3

ngecivene, ololo nalingi vije vyendekele ngwendi akavilinga. Vyoshe evi vinalingiwa, omwo vanu valingile vuvi ku mesho a Shukulu Kalunga, kuvamwononokele.

Njelemiya 51:22

mukutsiya vanalume na vanakazi, mukutsiya vakulunu na vanike, mukutsiya vakwenje na vambanda,

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Ezekiyele 16:40

“Vakashongangeya munga ngeci vakwashe mamanya, vakakutetanga vipuka-vipuka na mikwale yavo.

Ezekiyele 21:28

“Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Kwituluka mu Mashiko 30:18

njimileka ku litangwa lya lelo ngwange mukanyonga. Co kumukakala simbu yakama mu lifuti lije lili musambwa ya Ndonga ya Yondau, lije mulinakukovela nakulishwana.