2 Mizimbu 36:16 - Livulu lya Shukulu Kalunga

¹⁶ Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

2 Mizimbu 36:16 Iomraidhean Croise

2 Vimyene 2:23

Co Elisha watundile ku Yeliko waile ku Mbetele, co a ngila vanike va vanalume vamo vatundile mu nganda vamushendumwine. Vatambekele ngwavo, “Tunda kuno, ove munalume wa lyandya!”

1 Mizimbu 19:4

Ngecivene, Hanune wakwatele vaje miluwa va Ndaviti, wavatewile minjezi yavo, co watavozwele vuzalo vwavo kuvupwisa a vinyonga, co wavashekele.

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 30:10

Co miluwa vaile ku nganda na nganda ya mu lifuti lya miyati ya Efalime na Manase, vetele ku kunto ku muyati wa Zembuloni, oloni vanu vavashendumwine nakuvajola.

Ezela 5:12

Oloni omwo vakukulwila vetu valuvalesele Njambi wa mwilu, co ikeye wavanene mu mavoko a Mwene Nevukaneza wa Mbambilone, mwene wa vumwene vwa vaKalendeya. Ikeye wanyongesele Njuvo ya Shukulu Kalunga eyi, co vanu vavatwalele ku vunzinda ku Mbambilone.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Myaso 35:16

ngwe vanu vaje vashendumuna cilema, co vanjikengele na vukalu.

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Visimo 6:15

Omwo a eci, vwasi-vwasi n̄avava ikaija ali vakevo, co vakavulumuka manene kujeneka kukanguka.

Isaya 28:22

Ngecivene, kesi mushendumune, kutewa mukakala mu vukalu vwakama manene kutuvakana kunima. Njinazivi vutumbe vwa Shukulu Kalunga Muka-nzili yoshe vwakunyongesa kaye koshe.

Isaya 5:4

Kuma cuma mukajo kunjalingile ku citungu cange? Cooni omwo vikajo kunemi vushuka vwakukamata, oloni kesi vushuka vwavuvwa vuje vunjayongwele?”

Isaya 57:4

Veyajo mulinakushendumuna? Yeni vaka-makuli iyajo mulinakufweya?

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 20:8

Omo njendeka, co njitambeka ngwange, “Vukalu nakunyonga!” Shukulu Kalunga simbu yoshe valinakunjishendumuna nakunjijola, omo njambulula lijwi lyove.

Njelemiya 30:12

Shukulu Kalunga alinakwendeka kuli vanu vendi ngwendi, “Vimbandu vyeni kuvikanguka, nakuvetwa kweni kukukanguka.

Njelemiya 32:3

Mwene Zendekiya wanjakele mu kamenga omwo njambulwile ngwange Shukulu Kalunga nendeka ngwendi, “Njikatavesa mwene wa Mbambilone ngeci afungulule nganda ya Yelusalema,

Njelemiya 32:33

Vanjikengesele nima nameme njakele nakuvalongesa, oloni vakevo kuvasele kunjitolilila.

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Njelemiya 42:18

“Shukulu Kalunga, Njambi ya Isalele alinakwendeka ngwendi, ‘Ngwe muje njaluvalele na vanu va Yelusalema, ngecivene, njikaluvala lalo neni nga yeni muya ku Ingito. Mukakala mu vukalu vwakama manene, co vanu vakamishendumuna, nakupangesa lizina lyeni kupwa cisingo. Nalumo lwai lalo mukamona mutambela uno.’ ”

Ndanyele 9:6

Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Luka 16:14

Omo vaFaliseo vazivile vyoshe evi, co vakevo vashendumwine Yesu, omwo vazemene vimbongo.

Luka 18:32

Muna Munu vakamwana kuli vaka-kujeneka kukulaela vaje vakamushendumuna nakumushaula nakumujekwila mate.

Luka 23:11

Helonde na mashwalale vendi vamushendumwine nakumulinga mwamuvi, co vamuzikile nanga yailaja yaivwa, co vamwilwisilile lalo kuli Pilato.

Luka 23:36

Co na mashwalale lalo vamushendumwine, vezile kuli ikeye vamwanene vinyu,

Luka 6:23

Joleleni omo eci cilingiwa, co kineni nakujolela, omwo vanamitulikila cikandelela ceni cakama mwilu. Omwo vakukulwila vavo valingile ngacije kuli vaka-kwimanena.

Vilinga vya Miluwa 13:41

‘Kengeni, yeni vaka- kuyeluwisa! Co likomokeleni na kutsa! Omwo cuma cije cinjilinga litangwa lya lelo cinapu cuma cije kumukakulaela, nameme vamilumbunwinaco!’ ”

Vilinga vya Miluwa 17:32

Omo vazivile Paulu endeka akusanguka ku vatsi, vamo vamushendumwine, oloni veka vendekele ngwavo, “Tushaka ngeci wendeke vyuma evi lalo.”

Vilinga vya Miluwa 2:13

Oloni veka vashendumwine vaka-kukulaela ngwavo, “Ava vanu vanapende!”

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.

Maako 2:17

Oloni vaIsalele anga kuvatolililile kuli maako vavo embwe. VaIsalele vajenekele kulongwa kuli Shukulu Kalunga, co valemesele vinjambi veka. Vatangukile vwasi mu ngila ije vendele vakukulwila vavo, ngila yakwononoka mashiko a Shukulu Kalunga.