2 Mizimbu 36:13 - Livulu lya Shukulu Kalunga

¹³ Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

2 Mizimbu 36:13 Iomraidhean Croise

2 Samwele 21:2

(VaNgimbiyone kuvapwile vaIsalele embwe, vapwile muyati waundondo wa vaAmoli vaje vavakulaesele kuvanyunga kuli vaIsalele, oloni Saulu wavanyongesele omwo washungwiiye vanu va Isalele na Yunda.)

2 Vimyene 17:4

Oloni ku mwaka umo Hosheya watumine miluwa kuli So, mwene wa Ingito, nakumulomba ngeci amukwase, co alikele kufweta mulambu wa a mwaka na mwaka kuli mwene wa Asilya. Omo Shalamanesele wanangukile, co wakwatele Hosheya nakumwaka mu kamenga.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 4:12

“Yetu tushaka yove shukulu uzivuke ngeci vaYunda vaje vezile kuno kutunda ku mitambela yove yeka, vanatungu mu Yelusalema, co valinakutungulula nganda yaivi, co yapwa yakutengulukila. Vanashangumuka kutungulula vivumbe, co ololo vamanesa.

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Kutuuka 7:13

Nameme ngoco, mwene wakaluwisile mbunge yendi, ngwe vene muje mwendekele Shukulu Kalunga, mwene katavele kutolilila kuli Mosesa na Alone.

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Kutuuka 8:32

Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.

Kutuuka 9:17

Nameme ngoco anga ucilyalesa nakuvyana kwecela vanu vange vaye.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Njelemiya 43:2

Oloni Azaliya muna Hoshaya na Yohanane muna Kaleya, na vanalume vamo va kulyalesa vendekele kuli yange ngwavo, “Ulinakwendeka vya makuli. Shukulu Kalunga Njambi yetu kakutumine ngeci utuleke ngwove kesi tuye ku Ingito.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

Kulava 30:3

“Omo mumbanda wa muzike acili nakukala mu njuvo ya ishe, nga alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo,

Kwituluka mu Mashiko 29:25

Co vakakumbulula ngwavo, ‘Omwo vanu va Shukulu Kalunga kuvanyungile cikumiiyo, cije Shukulu Kalunga Njambi ya vakukulwila vavo, walikumiiye navo omo wavatundisile mu Ingito.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

VaHevelu 3:8

kesi mukaluwise vimbunge vyeni ngwe muvalingile vakukulwila veni omo vatengulukilile Njambi, ngwe muvalingile litangwa lije mu mambo omo vamwesekele.

Yoshwa 9:15

Asinoni Yoshwa walikumiiye cikumiiyo navo, co vavatavele kutunga navo. Ngecivene, vantwama va mbunga ya Isalele vakolesele cikumiiyo cavo na cisingo.